16 Abu, 2021
Naroa Zubimendi, Santiagotarrak Arraun Elkarteko aulki-mugikorreko arraunlaria Ploviden (Bulgaria) Junior mailako Munduko Arraun Txapelketan aritu da asteburu honetan. Espainiako Estatuko selekzioak hautatu zuen, Raquel Rodriguez arraunlariarekin batera, 2- proban parte hartzeko.
Asteburuan zehar, oso gertu izan du Zubimendik A finalerako sailkapena. Lehen kanporaketan, 39 ehunenekorengatik ez ziren zuzenean sailkatu. Txanda bakoitzeko bi denbora onenek lortzen zuten horrelakorik eta Zubimendi hirugarren sailkatua izan zen. Bigarren kanporaketan ere, hirugarren bukatu zuen bikoteak eta, beraz, B finalean lehiatzearekin konformatu beharra izan zuten.
B finalari dagokionez, Zubimendik eta Rodriguezek txandako bigarren denbora onena bete zuten (7:44.65), soilik bikote estatubatuarrak bi segundutan gainditu zituzten. Frantziak lortu zuen urrea, Txilek zilarra, Alemaniak brontzea eta Naroa Zubimendi eta Raquel Rodriguez zortzigarren postua eskuratuta bueltatu ziren etxera.
Klub bereko piraguistek ere arrakastaz bukatu zituzten asteburuan jokatutako Bizkaiako eta Gipuzkoako txapelketak
Gipuzkoako aulki mugikorreko Liga...
Ourensen ospatu zen aulki mugikorreko distantzia luzeko Espainiako Txapelketa
Santiagotarrak taldeko arraunlariek aulki mugikorreko distantzia...
Hondarribia Arraun Elkarteak antolatu zuen aulki mugikorreko Euskadiko Txapelketako azken jardunaldia
Euskadiko aulki mugikorreko...
Orioren aitzinetik helmugaratu zen Hondarribiako klubeko zortzikotea
Aulki mugikorreko Gipuzkoako distantzia luzeko txapelketaren hirugarren...