22 Abu, 2022
Larunbateko Zarauzko Bandera irabazi ondoren, hondarribitarrek datorren urterako Euskotren Ligan beraien lekua ziurtatu dute
Pasa den larunbatean, abuztuak 20, Hondarribia Arraun Elkarteko emakumeek Zarauz Arraun Elkartearen Emakumeen II. Ikurriña jokatu zuten. Beste behin garaipena lortu zuten Zarauzko estropadan Hondarribiako neskek eta beraz, datorren denboraldian Euskotren Ligan aritzeko txartela ziurtatu zuten honekin.
Goizean jokatu zen Zarauzko Ikurriña eta Hondarribiako nesken traineruak beste garaipen bat erdietsi zuen, 11:19,26ko denborarekin estropada osatuz. Beraien atzetik Hibaika sailkatu zen (11:25,94) eta hirugarren, Delteco Zumaia (11:46,62). Honekin, hondarribitarrak sailkapeneko lidergotza sendotu eta denboraldi izugarria borobildu zuten beraien helburua nagusia lortuz gainera, Euskotren Ligara igotzea hain zuzen ere. Hibaikak ere maila gorenean lehiatzeko txartela irabazi zuen larunbatean.
Ane Aizpururen II. Oroimen Saria
Larunbateko garaipenaren ondoren, Hondarribiako neskak Bilbon izan ziren atzo goizean, Ane Aizpururen II. Oroimen Saria jokatzen. Oraingoan, bigarren sailkatu ziren hondarribitarrak (10:53,87). Lehenengo postuan Deustok amaitu zuen (10:52,51), eta hirugarren berriz, Hibaikak (10:58,20).
Klub bereko piraguistek ere arrakastaz bukatu zituzten asteburuan jokatutako Bizkaiako eta Gipuzkoako txapelketak
Gipuzkoako aulki mugikorreko Liga...
Ourensen ospatu zen aulki mugikorreko distantzia luzeko Espainiako Txapelketa
Santiagotarrak taldeko arraunlariek aulki mugikorreko distantzia...
Hondarribia Arraun Elkarteak antolatu zuen aulki mugikorreko Euskadiko Txapelketako azken jardunaldia
Euskadiko aulki mugikorreko...
Orioren aitzinetik helmugaratu zen Hondarribiako klubeko zortzikotea
Aulki mugikorreko Gipuzkoako distantzia luzeko txapelketaren hirugarren...
Bidasoa ibaia protagonista izan zen pasa den asteburuan ere, Ur Bizietako Euskadiko Kopa jokatu baitzen bertan
Aulki mugikorreko arraunlariek...