9 eta 11 urte baino gehiago dituzten gazteentzat zuzenduak egonen dira udako ikastaroak
Hondarribia Arraun Elkarteak piragua eta arraun ikastaroak...
03 Uzt, 2017
Banderen lehian izango dela frogatu du Hondarribia Arraun Elkarteak, Eusko Label Ligako lehen lehiaketa asteburuan. Oraingoan, alabaina, ez du saririk eskuratu. Bigarren eta laugarren izan da, hurrenez hurren.
Larunbatean, aurreko denboraldiaren bidetik ekin zioten Urdaibaik eta Hondarribiak Eusko Label Ligari, Bilboko uretan. Lehia bizia eduki zuten bi ontziek, eta bi segundoko abantaila atera zion Bou Bizkaiak (19:25) Ama Guadalupekoari, Bilboko VIII. Bandera eskuratuz. Kaiku gelditu zen hirugarren, bermeotarrengandik hamalau segundora.
Orio laugarren izan zen larunbatean, baina igandean, erreferentzia nagusietako bat izango dela erakutsi zuen. Sestaoko XVI. Bandera irabazi zuen, estropadaren bigarren erdian nagusi izan ondoren (19:32). Tiran gelditu zen bigarren, lehen txandan aritu zen arren. Urdaibai hirugarren izan zen, eta lidergoari eutsi zion. Hondarribia podiumetik kanpo gelditu zen, laugarren, Oriorekiko zortzi segundo galduta. Orion eta Donostian izango ditu hurrengo hitzorduak Eusko Label Ligak.
9 eta 11 urte baino gehiago dituzten gazteentzat zuzenduak egonen dira udako ikastaroak
Hondarribia Arraun Elkarteak piragua eta arraun ikastaroak...
Klub bereko piraguistek ere arrakastaz bukatu zituzten asteburuan jokatutako Bizkaiako eta Gipuzkoako txapelketak
Gipuzkoako aulki mugikorreko Liga...