ORLEN WISLA PLOCK BIDASOA BAINO INDARTSUAGO
Eskubaloia

ORLEN WISLA PLOCK BIDASOA BAINO INDARTSUAGO

Talde poloniarrak 33-26ko markagailuarekin garaitu zuen Bidasoa aste honetako Europako bigarren neurketan

Konfinamendutik atera eta lehenengo aurkaria Orlen Wisla Plock taldea izan zuen Bidasoak Artalekun. Bertan, gol bakar bateko aldearekin irabazi zuten poloniarrek. Aurrez aurre aritu diren bigarren neurketa honetan aldiz, etxekoek indarrez erantzun zieten azken asteetako nekea ordaintzen ari zen Bidasoa talde bati.

Orlen Wisla Plock-ek estrenaitu zuen markagailua atzoko jardunaldian. Hala ere, Bidasoak, Kauldi Odriozolaren gol batekin, hasiera eman zion iraultzari eta partiduaren 6. minutuan, 5-5ko berdinketa eskuratu zuen. Hortik aurrera gainera, neurketa beraien alde egotea ere lortu zuten, eta nagusi izan ziren lehenengo zatiaren erdialdera arte bi goleko errentarekin. Poloniarrak orduan, golak sartzen hasi ziren eta markagailuari buelta eman zioten, atsedenaldira bost puntuko tartearekin iritsita (19-14).

Bigarren zatian berriz, etxeko taldea oraindik indartsuago atera zen kantxara, eta partiduaren buruzagi bihurtu zen. 36. minuturako, 24-16koa eskuratu zuten, jardunaldi guztiko errentarik zabalena. Hala ere, Bidasoak ez zuen amorerik eman. Beraien indar guztiarekin aldea murrizten saiatu ziren, baita lortu ere. Izan ere, bost goleko tartea izatera iritsi ziren, baina ezin izan zuten tartea gehiago txikitu. Azkenik, Orlen Wisla Plock-ek 33-26ko markagailuarekin garaitu zuen Bidasoa.

Jacobo Cuetarak neurketaren ondorengo prentsaurrekoan esan zuen moduan, “bagenekien partidu zaila izango zela, eta horrela izan da, etsaiaren maila oso altua zelako. Oso pozik nago hala ere, bigarren zatian ongi jokatu dugulako defentsan”.

Gorka Nieto jokalariak ere Cuetararen hitzekin bat egin zuen: “Talde oso indartsua da, oso landua eta bagenekien ez zela bat ere erraza izango. Partida irabazten saiatu gara, baina hasieratik beraien erritmoa inposatu dute, eta nahiz eta lehenengo 20 minutuetan eutsi diegun, gero ezin izan dugu jarraitu. Nik uste taldeak lan ona egin duela, ez baitio aurpegia galdu partiduari”. Emaitza hau neurketaz betetako aste honen islada izan daitekeela ere aipatu zuen: “Nahiko konplikatua izan da astea, eta beharbada, aste luze honen ondorio bat izan da”.

Mikel Zabalak beraien helburua lortuta etxera bueltatuko direla gaineratu zuen: “Gure helburua astearteko partidua ateratzea zen, oso garrantzitsua baitzen Europan bizirik jarraitzeko, eta nik uste taldeak hor oso lan ona egin zuela eta balorazio positiboa egin behar dugula astearen inguruan”.

Hurrengo neurketa

Bidasoak larunbat honetan zuen hurrengo jardunaldia, Valladolid taldearen aurka, baina asteazkenean, etxeko taldean Covid kasu positiboak zirela eta, atzeratuko zela jakinarazi zuten. Beraz, hurrengo astera arte atseden hartzeko tartea izango dute irundarrek. Asteartean berriz jarriko dira martxan, urteko azkeneko neurketa jokatzeko. Orduan, Errege Kopako bigarren kanporaketa jokatuko dute, Unió Esportiva Sarrià taldearen aurka, asteartean gaueko 21etan.

JACOBO CUETARA: “ANAITASUNAREN KONTRAKO DERBIA BETI OSO PAREKATUA IZATEN DA”
Eskubaloia

JACOBO CUETARA: “ANAITASUNAREN KONTRAKO DERBIA BETI OSO PAREKATUA IZATEN DA”

Bidasoa Irunen ortzirale honetan (martxoaren 29an) jasoko du etxean Anaitasuna, euskal derbia jokatzeko

Bidasoa Irun etxera bueltatuko da asteburu...

AGUSTINOS ALICANTE IZANEN DA BIDASOAREN AURKARIA ERREGE KOPAKO KANPORAKETAN
Eskubaloia

AGUSTINOS ALICANTE IZANEN DA BIDASOAREN AURKARIA ERREGE KOPAKO KANPORAKETAN

Apirilaren 10ean ospatuko dute bi taldeek hirugarren kanporaketa partida bakarrean

Agustinos Alicante izanen da Bidasoa Irunen aurkaria apirilaren 10ean...

BIDASOAK PORROTA JASO ZUEN NAVAN
Eskubaloia

BIDASOAK PORROTA JASO ZUEN NAVAN

Bigarren zatian aukera izan zuen talde horiak puntuak eskuratzeko, baina azkenik gol bakarrarengatik ihes egin zion garaipenak

Bidasoak ezin izan...

HONDARRIBIA ESKUBALOIAK BERE ZUZENDARITZA BATZORDEA BERRITU DU
Eskubaloia

HONDARRIBIA ESKUBALOIAK BERE ZUZENDARITZA BATZORDEA BERRITU DU

Ibilbide berri honetan, CD Bidasoako presidenteak, Gurutz Aginagaldek, bere babesa adierazi nahi izan du eta 2019ko udatik dauden harremanak...

JACOBO CUETARA: “SENDO AZALDU BEHAR GARA, DEFENTSAN ONGI EGON ETA KONSTANTE IZAN”
Eskubaloia

JACOBO CUETARA: “SENDO AZALDU BEHAR GARA, DEFENTSAN ONGI EGON ETA KONSTANTE IZAN”

Bidasoa Irunek Viveros Herol BM Nava taldea bisitatuko du larunbatean 21:00etan

Bidasoa Irunek Plenitude ASOBAL Ligari segida emanen dio asteburu...

BM BIDASOA IRUN EUSKADIKO JUBENIL TXAPELKETAKO TXAPELDUNORDE
Eskubaloia

BM BIDASOA IRUN EUSKADIKO JUBENIL TXAPELKETAKO TXAPELDUNORDE

Irundarrek Balonmano Barakaldo A taldea izan zuten aitzinean finalean, eta 24-23ko markagailuarekin irabazi zuten bizkaitarrek

Euskadiko Jubenil...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika