PONTEVEDRA, BESTE BEHIN, GOTORLEKU

80 talde baino gehiagok parte hartu zuten Espainako Sprint Txapelketan, Santiagotarrakek 10.postuan bukatu zuen taldekako sailkapena.

Ostegunean bidaiatu eta igandean domin eta lorpen ugarirekin bueltatu ziren Santiagotarrakeko palistak Pontevedratik. Espainiako Sprint Txapelketa zuten lehiatzeko, 200 eta 500 metroetako probak, eta, beste behin, Bidasoa ibaian entrenatzen duen klubak, klubaren esanetan, “emaitza bikainak” erdietsi zituzten.

Orotara, bakarkako lanean (K1 modalitatean), Pontevedrara bertaratu ziren zortzi palistek hiru domin eta bi laugarren postu erdietsi zituzten:

• K1 200 Junior emakumezkotan: Uxue Arsuaga 2. eta Maialen Arsuaga 3.

• K1 500 Junior emakumezkotan: Maialen Arsuaga 5., Eider Amundarain 7. eta Uxue uretara erori egin zen finalean.

• K1 200 Senior emakumezkotan: Nerea García 4.

• K1 500 Senior emakumezkotan: Nerea 3.

• K1 500 Senior gizonezkotan: Aitor Gorrotxategi 5. 

Uxue Arsuagak zilarrezko domina eskuratu zuen eta Mailen Arsuagak zein Nerea Garciak brontzezkoa. Zaila zen hura gainditzea, baina bikotekako lanean (K2 modalitatean), bi domin gehiago eskuratu zituen Santiagotarrak Elkarteak.

• K2 200 Junior emakumezkotan: Arsuaga ahizpak 1. eta Eider Amundarain-Irene Gorrotxategi 6.

• K2 500 Junior emakumezkotan: Arsuaga ahizpak 1. eta Eider Amundarain-Irene Gorrotxategi 4. 

Asteburuan zehar Uxue eta Maialen Arsuaga ahizpen lana goraipatzekoa izan zen. Bakarkakoan domina bana eskuratu ostean, bikotekako bi distantzietan urrezko domina eskuratu zuten. Ez hori bakarrik, oraindik ziurra ez den arren, aukera garbiak dituzte Europako Txapelketan parte hartzeko plaza bat izateko.

Aitor Zabalak, Santiagotarrak Elkarteko entrenatzaileak, Ponetvedrara bidaitu zuten zortzi palisten lana txalotu nahi izan zuen: “harrigarria izan da zortziek egin duten lana. Juniorretan sekulako maila zegoen, selektiboak ziren eta K1eko frogek Europa eta Munduko Txapelketetan parte hartzeko sailkapena ematen zuten. Maila horretan, dominak eta lehen postuak eskuratu ditugu. Itzela izan da txapelketa”.

Argi geratu da Bidasoa ibai ertzean kokatuta dagoen elkartearen lana zoragarria izaten ari dela, harrobia behar bezala landuz, Espainiako Txapelketetan jauzi ederra ematen ari dira palistak. 

SANTIAGOTARRAKEK LEHEN POSTUA ESKURATU DU K2 ETA C2KO EUSKADIKO KOPAN

Guztira urrezko bost domina, zilarrezko hiru eta brontzezko bertze hiru lortu zituzten Irungo klubeko piraguistek

Euskadiko K2 eta C2 Kopa ospatu zen pasa...

UR BIZI ETA LASAIETAKO ESKOLARREN TXAPELKETA OSPATUKO DA ASTEBURUAN IRUNEN

Ur bizietako piraguistek 10:00etan hasiko dute lehiaketa eta ur lasaietakoek 15:00etan hartuko diete lekukoa

Bidasoa ibaia izanen da ur bizi eta...

ROBERTO RIVASEK BRONTZEZKO DOMINA ESKURATU ZUEN ESPAINIAKO TXAPELKETAN

Santiagotarrak-Urbycolan hamalaugarren postuan sailkatu zen taldeka

Espainiako 5.000 metroko Txapelketa ospatu zen pasa den martxoaren 9an eta 10ean...

SANTIAGOTARRAK-EKO UR BIZIETAKO ETA UR LASAIETAKO KIROLARIEK HITZORDU BANA IZANEN DUTE BIDASOAN

Larunbat honetan, goizez Euskadiko Kopa jokatuko dute eta arratsaldez, Piraguismoko Federazioko kontrolak izanen dituzte

Bidasoa ibaia bi...

SANTIAGOTARRAK ZAISAK HIRUGARREN POSTUA LORTU DU TALDEKA ESPAINIAKO TXAPELKETAN

Klub irundarreko hamaika kirolarik jokatu zituzten kategoria desberdinetako finalak

Santiagotarrak Zaisa KEko slalom taldeak Seu d´Urgellen ospatutako...

MALEN JUARISTI HAMAHIRUGARREN MUNDUKO JUNIOR TXAPELKETAN

Santiagotarrak taldeko piraguistak, Munduko Txapelketa debutatu ondotik, Espainiako selekzioaren deia jaso du

Malen Juaristi piraguistak debuta egin du...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika