PORROTA SAIHESTU DU BIDASOAK
Eskubaloia

PORROTA SAIHESTU DU BIDASOAK

Morrazok garaipena bere eskuetan izan du, baina Xoan Ledok eta Rodrigo Salinasek, azken unean, 27-27ko berdinketa ahalbidetu dute.

Bi puntu batu ezin direnean, oso garrantzitsua da puntu bat salbatzea. Lehen 45 minutuetan Bidasoa markagailuan aurretik joan bada ere, minutu erabakigarrenetan Morrazok aurrea hartu du eta bi puntuak galiziara eramatekotan izan dira. Hala ere, Kauldi Odriozola zein Rodrigo Salinasen golek eta Xoan Ledoren azken geldiketak, Artalekun puntu bat utziarazi dute.

Jacobo Cuetarak ohartarazi zuen, Morrazoko Cangasen aurkako neurketak beti izaten dira zailak Bidasoarentzat, eta gaurkoan, ez da salbuespena izan. Morrazoko Cangasek neurketa sendoa planteatu du, defentsan oso sendo aritu dira eta erasoan ez dira batere gaizki moldatu. Hala ere, zailtasunak zailtasun, Bidasoa lehen minutuetan mantendu da markgailuan nagusi (5-4, 10.minutuan). Ordutik aurrera, Morrazoko Cangasek defentsako sarraila itxi eta Dani Fernandez gaztearen kontraerasoak baliatuz, 7-8 aurretik jarri dira. Jacobo Cuetarak, bizkor, hutsartea eskatu du eta bertatik irten eta jarraian, Bonannoren, Kauldi Odriozolaren eta Jon Azkueren golekin 3-0eko partziala erdietsi dute (10-8). Sierrak segidan egindako hiru geldiketek margailua iraultzeko lanetan lagundu dute. Bidasoa neurketa husteko nahia erakutsi duen arren, Morrazo hotz mantendu da lehen zatian eta 12-11ko markagailura hurbiltzeko indarra izan dute. Edonola ere, Kauldi Odriozolaren bi golek eta Crowleyren beste batek, atsedenaldira joan aurretik 14-12koa ezarri zuten.

Lehen zatiko lan onari jarraipena eman dio Morrazok bigarrenean. Lehen 10 minutuetan Bidasoa aurretik mantendu bada ere, bigarren zatiko erdialdean Morrazok markagailuan aurretik jarri eta zailtasun handitan jarri du Bidasoa. Gogotik izerditu du talde irundarra sailkapeneko hamalaugarrenaren aurka berdintzeko. Hain zuzen ere, neurketako azkeneko bost minutuak zirraragarriak izan dira. Daniel Fernandezen bi golekin, 24-26 agintean jarri da Morrazoko Cangas. Sergio de la Saludek 25-26koa ezarri du. Menduiñak bi goletako errentara itzuli du markagailua (25-27). Kauldi Odriozolak gol batetara hurbildu du Bidasoa. Jarraian, zumaiarrak 27-27 berdintzeko aukera ezin hobea izan du, baina Javi Diazek erantzun erabakigarria eman dio eta jaurtiketa geratu du. Bazirudien bi puntuak galiziara joango zirela, baina Xoan Ledoren geldiketaren eta Rodrigo Salinasen golaren bitartez, porrota saihestu eta 27-27ko berdintzea ahalbidetu zuten.

Fitxa Teknikoa 

27 - Bidasoa Irun (14+13): Sierra, Crowley (2), Racotea, Odriozola (6), Salinas (5, 1 p.), De la Salud (4, 1 p.), Tesoriere; Ledo, Cavero (1), Zabala, Aginagalde, Serrano (3), Azkue (5, 1 p.), Bonanno (1).

27 - Frigoríficos de Morrazo (12+15): Javi Díaz, Fernández (9, 3 p.), Rubén Soliño (1), Gayo (1), Iglesias (1), Menduiña (2, 1 p.), Martín (2); Forns, Simes, González, Quintas, Ribeiro (4), Cerqueira (2), Vilanova, Muratovic, López (5). 

JACOBO CUETARA: “ANAITASUNAREN KONTRAKO DERBIA BETI OSO PAREKATUA IZATEN DA”
Eskubaloia

JACOBO CUETARA: “ANAITASUNAREN KONTRAKO DERBIA BETI OSO PAREKATUA IZATEN DA”

Bidasoa Irunen ortzirale honetan (martxoaren 29an) jasoko du etxean Anaitasuna, euskal derbia jokatzeko

Bidasoa Irun etxera bueltatuko da asteburu...

AGUSTINOS ALICANTE IZANEN DA BIDASOAREN AURKARIA ERREGE KOPAKO KANPORAKETAN
Eskubaloia

AGUSTINOS ALICANTE IZANEN DA BIDASOAREN AURKARIA ERREGE KOPAKO KANPORAKETAN

Apirilaren 10ean ospatuko dute bi taldeek hirugarren kanporaketa partida bakarrean

Agustinos Alicante izanen da Bidasoa Irunen aurkaria apirilaren 10ean...

BIDASOAK PORROTA JASO ZUEN NAVAN
Eskubaloia

BIDASOAK PORROTA JASO ZUEN NAVAN

Bigarren zatian aukera izan zuen talde horiak puntuak eskuratzeko, baina azkenik gol bakarrarengatik ihes egin zion garaipenak

Bidasoak ezin izan...

HONDARRIBIA ESKUBALOIAK BERE ZUZENDARITZA BATZORDEA BERRITU DU
Eskubaloia

HONDARRIBIA ESKUBALOIAK BERE ZUZENDARITZA BATZORDEA BERRITU DU

Ibilbide berri honetan, CD Bidasoako presidenteak, Gurutz Aginagaldek, bere babesa adierazi nahi izan du eta 2019ko udatik dauden harremanak...

JACOBO CUETARA: “SENDO AZALDU BEHAR GARA, DEFENTSAN ONGI EGON ETA KONSTANTE IZAN”
Eskubaloia

JACOBO CUETARA: “SENDO AZALDU BEHAR GARA, DEFENTSAN ONGI EGON ETA KONSTANTE IZAN”

Bidasoa Irunek Viveros Herol BM Nava taldea bisitatuko du larunbatean 21:00etan

Bidasoa Irunek Plenitude ASOBAL Ligari segida emanen dio asteburu...

BM BIDASOA IRUN EUSKADIKO JUBENIL TXAPELKETAKO TXAPELDUNORDE
Eskubaloia

BM BIDASOA IRUN EUSKADIKO JUBENIL TXAPELKETAKO TXAPELDUNORDE

Irundarrek Balonmano Barakaldo A taldea izan zuten aitzinean finalean, eta 24-23ko markagailuarekin irabazi zuten bizkaitarrek

Euskadiko Jubenil...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika