20 Ira, 2022
Carlos Garciak entrenatzen duen taldeak 3-0 irabazi zuen denboraldiko lehen neurketa
Real Unioneko bigarren taldeak denboraldiko lehen garaipena erdietsi zuen pasa den larunbatean etxean. Gorengo mailan aritzen da taldea aurten eta beraien helburua Ohorezko Erregional mailara bueltatzea izanen da. Horretarako, hasiera bikaina eman diote denboraldiari, izan ere, Real Union B-k Touring B taldea garaitu zuen 3-0eko markagailuarekin.
Lehen zatia golik gabekoa izan zen eta hutsera berdinduta hasi zuten bigarrena bi taldeek. 64. minutuan aldiz, etxekoen gola iritsi zen, Gonzalezen partetik. 1-0eko markagailuarekin, Real Unionek lehen kolpea jaso zuen, izan ere, Abadi kanporatua izan zen bigarren txartel hori jaso ondotik. Edonola ere, taldeak ez zituen besoak jaso eta lau minutu beranduago, bigarren gola sartu zuen Rodriguezek. Azkenik, 83. minutuan, talde irundarrak hirugarren eta azken gola sartu zuen, Artolaren eskutik, eta horrela 3-0eko behin betiko markagailua erdietsi zuten.
Denboraldiko lehen jardunaldia irabazita eta sailkapenera lehen hiru puntuak gehituta, Real Union B-k datorren asteburuan Usurbil bisitatu beharko du Haraneko futbol zelaian.
Talde txuribeltzak bere alde zuen markagailua, baina Beasain Bk neurketa berdintzea lortu zuen azken minutuetan
Real Unión Roca:...
Talde txuribeltzak 2-1 galdu zuen Ponferradan eta orain, azken bi jardunaldiak gelditzen zaizkio maila mantentzeko helburua lortzeko
Real Unionek...
Hiru jardunaldi bertzerik ez zaizkio gelditzen Real Unioni eta horietako lehena, igande honetan (maiatzaren 12an) ospatuko dute Ponferradinaren...