Real Unionek 0-1 galdu du Salamancaren aurka eta jada promozio postuetan aurkitzen den, Burgos taldearen, puntu berdinak ditu.

Real Unionen denboraldia uneoro zailtzen ari da, gaur ere Salamancaren aurka 0-1 galdu du eta 25 punturekin sailkapeneko hamalaugarren postura jeitsi da. Hori bai, Burgos promozio postuetan talde txuribeltzaren puntu berdinekin aurkitzen da, eta Barakaldo, jeitsiera postuetan dagoen taldea, bi puntutara besterik ez dituzte. Hurrengo jardunaldian, Tudelanoren aurka jokatuko Real Unionek, Tuteran sailkapeneko azkenekoaren aurka.

Jokoan Real Union gehiago izan bada ere, Salamancak eraman ditu hiru puntuak gaur Stadium Galetik. Lehen zati osoan zehar, baloiaren jabetza talde txuribeltzak izan du, Dani Sotresek lan handia izan du Real Unionen saiakerak gelditzen, baina abagune guztietan Salamancako atezaina irten da garaile. Hegaleko erdireketen bidez sortu du arriskua Alberto Iturralderen taldeak, Aitor Aranzabe eta Dani Estradak erdiraketa bikainak egin dituzte, baina Asier Etxaburuk ez du asmatu baloia sareetara bidaltzen. Galanek ere bere abagunea izan du, Real Unionek kontraeraso aparta egin du baina beste behin, Dani Sotresek baloia gelditu du.

Bigarren zatian dinamika berdinarekin irten da talde txuribeltza Stadium Galeko berdegunera, baina Salamancak geldikako baloi batean, gaztela lehoiko lehen abagunean gola erdietsi dute Borja Lopezen bitartez. Golak min handia egin dio etxeko taldeari, baina aukerak sortzen jarraitu du. Alberto Iturraldek azkeneko bi fitxaketak zelairatu zituen Javi Martinezekin batera, baina hauek ere ezin izan dute berdinketaren gola gauzatu.