Klub txuribeltzetik jakinarazi dutenez, Diversius enpresa klubaren babesle berria bilakatuko da

Real Union eta Diversius akordio batera iritsi ondoren, Oreretan egoitza duen enpresak klub txuribeltza babestuko du datorren urtean. Diversius software-ak neurrira garatzen dituen enpresa bat da eta 40 langile izateara iritsi da gaur egun.

Diversius informatika ingenieritzan aditua den Gipuzkoako enpresa da eta, azken urteetan, errefente bihurtu da neurrira egindako software-etan. Industria-ingurunean arreta berezia jarria badu ere, sektore desberdinetako bezeroentzat transformazio digitala garatzeko zerbitzuak eskaintzera bideratzen du bere lana. Oreretan du egoitza enpresak eta iaz Iruñean ere bulego bat ireki zuten. Beraien bezeroen artean, EITB, Acciona Mobility, Algeposa, Iraupen, Fabrika edo Nafarroako Klinika Unibertsitarioa daude. Diversius hedatze eta hazte prozesuan dago gaur egun eta 2025erako, orain duen plan estrategikoaren amaierarako, lan-ekipamendua bikoiztea aurreikusten du.

Felix Vela Diversiuseko CEOa pozik azaldu da sinatutako babes-akordio honekin: "Ohorea da Real Union bezalako talde garrantzitsu bat babestea, maila historikoa duena. Gure ustez, babesletza horrek klubaren hazkunde-estrategiak bultzatzen lagunduko du, digitalizazio-alderdietan arreta berezia jarriz; izan ere, gure lan-ingurunea naturala izanik, hazkunde- eta marka-estrategiei begira kontuan hartu beharreko fokua dela uste dugu. Tokiko babesletzen aldeko apustua egiten dugu, hazten ikusi ditugun klubentzat oso lagungarriak direla ulertuta, belaunaldiz belaunaldi eboluzionatzen ikusi baitugu".

"Bidaia-lagunak batzen jarraitzen dugu, eta horrek esan nahi du gure proiektua erakargarria eta ilusionagarria dela. Guk gure alde jartzen jarraituko dugu familia unionista handitzeko", adierazi du Igor Emery Real Unioneko Administrazio Kontseiluko presidenteak ere.