Irisgarritasun neurriak betetzeko igogailua instalatzeko eta berdegunea berritzeko inbertsioak aurreikusi ditu
Maiatzeko udal osoko bilkuran...
08 Urt, 2018
REAL UNION: Otaño, Urkizu (Hernáez, 4'), Esnaola, Aimar (Rodellar, 56'), Ekhi, Gayoso, Alonso, Martins, Capelete (Orbegozo, 64'), Galán, Estrada.
PEñA SPORT: De Prados, De Frutos, Endika, Xiker, Jon Ceberio, Hector, Valdo, Sarriegi (Joni, 66'), Diego, Uriz (Socorro, 73'), Javier Alonso (Xabi Calvo, 82').
Urte berriak ez du Real Unionen norabidea aldatu. Irabazi gabeko partiden segida luzatu du, eta zortzi daramatza, dagoeneko. Sailkapeneko azken aurrena hartu zuen igandean Stadium Galen, baina ezin izan zuen 0-0ekoa apurtu. Dinamika txarrean sartuta, oztopoak biderkatzen zaizkie txuribeltzei. Izan ere, 2.minutuan, Iñaki Urkizuk zelaia utzi behar izan zuen, min hartuta. Segidan, baloia langara bidali zuen Uriz Peña Sporteko jokalariak.
Hurrengo minutuetan bizitasun gehiago eduki zuen Unionek, eta 15.minutuan, abagune ederra eduki zuen Capeletek, Alonsoren jokaldiaren ondoren. Atezainak urrundu zuen baloia, ordea. Ondoren, zelai erdian Tafallako taldea nagusitu zen, eta pixkanaka, behera egin zuen Real Unionek. Defentsan ez zuen arazo handirik izan nafarren oldarraldiak baretzeko. Erasoan, berriz, ez zuen min egiteko biderik topatu. 42.minutura arte, behintzat. Orduan, aukera bikoitza eduki baitzuten Galanek lehenengo, eta Estradak ondoren.
Atsedenalditik bueltan, Galanen gola baliorik gabe utzi zuen epaileak, jokoz kanpokoagatik. Aurrerantzean, atsekabetuta ibili zen aurrelaria. Irungo taldearen gabeziak agerian gelditu ziren bigarren zatian, ez baitzen gai izan Peña Sporten ateazaina benetan arriskuan jartzeko. Tafallarrak puntuen banaketarekin konformatu egin ziren, eta ez zuten gehiegi arriskatu. Amaierako husnakoak, baina, ez du balio handirik. Ez Peña Sportentzat, ezta Real Unionentzat ere. Jose Luis Riberaren taldeak asko hobetu beharko du neurketak irabazten hasteko.
Irisgarritasun neurriak betetzeko igogailua instalatzeko eta berdegunea berritzeko inbertsioak aurreikusi ditu
Maiatzeko udal osoko bilkuran...
Talde txuribeltzak bere alde zuen markagailua, baina Beasain Bk neurketa berdintzea lortu zuen azken minutuetan
Real Unión Roca:...
Talde txuribeltzak 2-1 galdu zuen Ponferradan eta orain, azken bi jardunaldiak gelditzen zaizkio maila mantentzeko helburua lortzeko
Real Unionek...
Hiru jardunaldi bertzerik ez zaizkio gelditzen Real Unioni eta horietako lehena, igande honetan (maiatzaren 12an) ospatuko dute Ponferradinaren...