21 Aza, 2022
Talde txuribeltzak hasierako markagailua irauli eta Nacho Sanchezek sartutako bi golekin partida irabazi zuen
Real Unionek sailkapeneko azken postua utzi zuen atzo eguerdian. Izan ere, 1-2koarekin irabazi zion Intercity taldeari eta horren ondorioz, jardunaldiko hiru puntuak bereganatu zituen. Nacho Sanchezek sartu zituen bi golekin, hasierako markagailua irauli eta talde irundarrak garaipena eskuratu zuen Ligan, hilabete baten ondotik.
Neurketaren lehen zatian ez talde batek ez bertzeak ere, ez zuten aukera gehigirik sortu. Lehena, 13. minutuan iritsi zen etxekoen aldetik, baina Joel Jimenezek geldiketa egin eta baloia kornerrera bidali zuen. Hurrengo saiakera Real Unionena izan zen, lehen 45 minutuetan izan zuen bakarra. 23. minutuan, Riverok ezustean harrapatu nahi izan zuen Gaizka atezaina, baina jaurtiketa gora joan zitzaion. Azkenik, lehen zatia bukatzeko 15 minutu falta zirenean, etxekoek hartu zuten aurrea markagailuan. Pol Roigek area ertzetik jaurtiketa egin eta sare barrura bidali zuen baloia, 1-0koa ezarriz.
Atsedenalditik bueltan, lehen bi abaguneak Intercity-renak izan ziren. Lehena Rafa Galvezen saiakera, atezain txuribeltzak ongi gelditu zuena. Bigarrena berriz, Aaron Piñak jaurtitako penaltia, berriz ere Joel Jimenezek eskuetan hartu zuena. 56. minutuan berriz, Real Unionek neurketa berdintzeko aukera aprobetxatu zuen. Nacho Sanchezek gola sartu eta 1-1ekoa ipini zuen. Honez gain, sei minutu beranduago (62. minutuan), berriz ere jokalari kanariarri esker, talde bisitariak markagailua irauli zuen. Sanchezek baloia gurutzatu eta sare barrura bidali zuen, 1-2koa ezarriz behin-betiko.
Jardunaldi honen ondotik, Real Unionek sailkapeneko azken postua utzi du. Hiru puntu gehiagorekin, 13 batu ditu guztira oraingoz, eta 17. postuan kokatu da Intercity-rekin berdinduta. Garaipen garrantzitsu hau erdietsita, talde txuribeltzak indarberrituta jarraituko du Ligako helburuak lortzen.
(Argazkia: CF Intercity)
Hernaniren kontra 3-1 irabazi zuen Carlos Garciaren taldeak, azken hiru puntuak poltsikoratuz
Real Unión Roca: Rodríguez; Cabo, Pinillos,...
Deportivoren kontra 3-1 galdu bazuen ere, bertze taldeen emaitzek ahalbidetu dute talde txuribeltzak maila mantentzea
Real Unionek denboraldiko...
Real Unionek Deportivo de la Coruña liderraren kontrako partiduarekin bukatuko du denboraldia
Lehen RFEF mailako taldeek ere asteburu honetan...
Unai Gordok bere atean sartutako gol baten ondorioz, Mutrikuk eraman zuen garaipena
Mutriku FT: Arambarri; Etxebarria, Blanco...
Talde txuribeltzak Fuenlabrada garaitu zuen (2-1) luzapenean Bazek sartutako gol bati esker
Real Unionek denboraldiko azken aurreko jardunaldia...