Real Unioneko kluban eman diren kasu positiboen ondorioz, partidua dataz aldatu behar izan dute

Irundarrek larunbat honetan jokatu behar zuten denboraldiko 22. jardunaldia Deportivo taldearen aurka, baina astean zehar zenbait jokalari eta teknikariei egin zaizkien testek emaitza positiboa eman dutenez, neurketa igandean ospatu beharko dute azkenean.

Pasa den egunetan, egoera ikusita eta jakinda jokalariak ezingo zirela larunbatean A Coruñara iritsi, Real Union Espainiako Futbol Federazioarekin eta RC Deportivo klubarekin harremanetan jarri zen eta adostasun batera iritsi ziren norgehiagoka dataz aldatzeko. Horrela, larunbatean jokatu beharrean, hasiera batean bezala, Deportivo eta Real Unionen arteko neurketa igandean ospatuko da, Riazor zelaian, arratsaldeko 17etan.