24 Mai, 2023
Eguerditik partidua bukatu bitarte, haurrentzako eta helduentzako hainbat jarduera antolatu ditu klub txuribeltzak
Real Unionek larunbat honetan (maiatzak 27) jokatuko du denboraldiko azken neurketa. Urteko helburu nagusia jokoan izanen du La Nuciaren kontrako partiduan eta zaleek jokalariei beren babesa emateko asmoarekin, hainbat jarduera antolatu ditu klubak Irunen eguerditik aitzinera.
Arratsaldeko 19:30ean izanen da Real Union eta la Nuciaren arteko partidua. Hala ere, hainbat ekitaldi egonen dira eguerditik Irunen, haur eta helduentzat. 12:00etatik 14:00etara San Juan plazan ospatuko dira jarduerak. Bertan, haurrentzako aurpegia margotzeko tailerrak, ginkanak, futbol txapelketak eta photocall bat egonen dira.
Honen ondotik, arratsaldean, Stadium Galeko inguruetan izanen dira jardueran. 17:00etatik partidua hasi bitarte, haurrentzako jolasak, DJa eta txaranga izanen dira. Azken honek ere partidua girotuko du bere musikarekin. Partiduaren aitzinetik, 18:00etan, zaleek harrera eginen die Real Unioneko jokalariei Stadium Galen bertan.
Sarrerak euro batean
Real Unionek larunbateko partidurako sarrerak euro batean salgai jarri ditu. Abonatuek gehienez bi sarrera eskuratu ahal izanen dituzte prezio horretan eta Galen dagoen Real Uniongo dendan hartu ahal izanen dituzte ortzegunera bitarte.
Jokalariei babesa emateko ekimena
Honez gain, Real Unionek ekimen berezi bat hasi du. Aste honetan zehar, Bidasoa eskualdeko kluben, kirolariek eta pertsona ezagunen laguntza-bideoak partekatzen ari da bere sare sozialetan, taldeari babesa emateko eta zaleak Galera hurbiltzeko deia eginez. Klubak #nieretxuribeltz hashtag-a erabiliko du bideo hauek zabaltzeko eta erabiltzaile guztiak gonbidatu ditu, bide honen bitartez, bere animoak partekatzera.
2024ko urte hasieran ailegatu ziren Real Unionera bi jokalariak utzita eta orain, jatorrizko taldera bueltatuko dira berriz ere
Real Unionek...
Izen emateak irekiak daude ekainaren 26ra bitarte
Real Unionek aurten ere Udako Campusa antolatu du hiriko eta eskualdeko haur...
Final handian Tecnari irabazi zion Irungo enpresak
Real Unionek III. Enpresen Txapelketa ospatu zuen pasa den asteburuan Stadium Galeko anexoan eta...
Real Unionek bi jokalariei eskerrak eman dizkie denboraldi hauetan erakutsi duten profesionaltasunagatik
Real Unionek jakinarazi duenez, Antonio...
Adidas markarekin jantziko dira jokalariak eta Futbol Emotion taldeak egindako diseinuarekin
Real Union Klubak 2024/25 denboraldiko jantziak...