13 Ira, 2022
Klubeko bazkide ez direnak bost euroren truke sartu ahal izanen dira Stadium Galen
Bihar, asteazkena irailak 14, Real Unionek eta SD Leioak Federazio Kopako Fase Autonomikoko finaleko itzulerako neurketa jokatuko dute Stadium Galen. Arratsaldeko 19:30ean ospatuko da norgehiagoka eta klub txuribeltzak prezio bereziak ezarri ditu bazkide eta ez bazkideentzat.
Real Unionek Tribuna Nagusia prestatuko du bazkideek bertatik partidaz goza dezaten. Gainera, abonatu guztiek sarrera doan izanen dutela ere jakinarazi nahi izan dute. Bazkide ez diren 14 urtetik gorako ikusleek aldiz, bost euro ordaindu beharko dute sarrera.
Talde irundarrak, gainera, abantailarekin ekingo dio biharko neurketari. Izan ere, abuztuaren 31n, Real Unionek 1-2ko markagailuarekin irabazi zion SD Leioari joaneko neurketan. Biharko partidaren ostean, txuribeltzak Fase Autonomikoko finaleko garaile suertatzen badira, taldea Fase Nazionalean sartuko da, eta hemen finalerdietara iristen bada Errege Kopa jokatzeko txartela ere irabaziko du.
(Argazkia: SD Leioa)
Hernaniren kontra 3-1 irabazi zuen Carlos Garciaren taldeak, azken hiru puntuak poltsikoratuz
Real Unión Roca: Rodríguez; Cabo, Pinillos,...
Deportivoren kontra 3-1 galdu bazuen ere, bertze taldeen emaitzek ahalbidetu dute talde txuribeltzak maila mantentzea
Real Unionek denboraldiko...
Real Unionek Deportivo de la Coruña liderraren kontrako partiduarekin bukatuko du denboraldia
Lehen RFEF mailako taldeek ere asteburu honetan...
Unai Gordok bere atean sartutako gol baten ondorioz, Mutrikuk eraman zuen garaipena
Mutriku FT: Arambarri; Etxebarria, Blanco...
Talde txuribeltzak Fuenlabrada garaitu zuen (2-1) luzapenean Bazek sartutako gol bati esker
Real Unionek denboraldiko azken aurreko jardunaldia...