01 Ots, 2022
Santiagotarrak hamabost domina eskuratu zituen osotara eta Hondarribia Arraun Elkarteak hamalau
Aurreko larunbatean, urtarrilak 29, Bidasoan Gipuzkoako Aulki Mugikorreko Distantzia Luzeko Txapelketaren hirugarren eta azken jaitsiera ospatu zen. Zazpi elkartek hartu zuten parte lehiaketan, tartean eskualdeko bik, Santiagotarrak eta Hondarribia Arraun Elkarteak.
Lasterketaren irteera Behobiako zubitik izan zen infantil eta kadeteentzat eta Puntxasetik, jubenil eta seniorrentzat. Helmuga berriz, denontzat leku berean zegoen, Aireportu bukaeran. Guztira 107 ontzi ibili ziren Bidasoan lehian. Santiagotarrak BM taldetik 43 kirolarik hartu zuten parte, 23 ontzitan banaturik. Horietatik Beñat Fernandez eta Bittor Lekuonak, scull bikoitzean gizonezko kadetetan, eta Oier Zazpe eta Asier Regueirok, scull bikoitzean gizonezko absolutuan, eskuratu zituzten urrezko dominak. Gainera, brontzezko beste sei dominez gain, zazpi zilarrezko ere irabazi zituzten:
- Pablo Martinez Lacar, skiff-ean gizonezko jubeniletan
- Elaia Saenz, skiff emakumezko kadetetan
- Bittor Basterra, skiff gizonezko kadetetan
- Beñat Jimenez eta Asier Regueiro, scull bikoitzean gizonezko absolutuan
- Leire Navaridas, Maria Martinez Lacar, Mikaela Rekalde eta Maialen Bengoetxea, lauko scull emakumezko kadetetan
- Mikel Laguardia, Adour Illarramendi, Markel Irigoyen eta Inhar Romano, lauko scull gizonezko infantiletan.
- Luken Solozabal, Jokin Antunez, Xabier Payo eta Oier Emazabal, lauko scull gizonezko kadetetan
Hondarribiak ere hamalau domin eskuratu zituen guztira larunbateko jaitsieran. Horietako zazpi urrezkoak izan ziren, bost zilarrezkoak eta beste bi brontzezkoak. Zortziko senior gizonetan berriz, Orio izan zen garaile eta Hondarribiak bigarren postua lortu zuten, Donostia AL elkartearen aurretik.
Klub bereko piraguistek ere arrakastaz bukatu zituzten asteburuan jokatutako Bizkaiako eta Gipuzkoako txapelketak
Gipuzkoako aulki mugikorreko Liga...
Ourensen ospatu zen aulki mugikorreko distantzia luzeko Espainiako Txapelketa
Santiagotarrak taldeko arraunlariek aulki mugikorreko distantzia...
Hondarribia Arraun Elkarteak antolatu zuen aulki mugikorreko Euskadiko Txapelketako azken jardunaldia
Euskadiko aulki mugikorreko...
Orioren aitzinetik helmugaratu zen Hondarribiako klubeko zortzikotea
Aulki mugikorreko Gipuzkoako distantzia luzeko txapelketaren hirugarren...
Bidasoa ibaia protagonista izan zen pasa den asteburuan ere, Ur Bizietako Euskadiko Kopa jokatu baitzen bertan
Aulki mugikorreko arraunlariek...