TENTSIO HANDIKO DERBIA BIDASOARENTZAT
Eskubaloia

TENTSIO HANDIKO DERBIA BIDASOARENTZAT

Irabazteko moduarengatik eta bi taldeek erakutsi duten jarrerarengatik, bi puntu baliotsu lortu ditu Bidasoak (27-25).

Derbiak beti dira gogorrak eta gaurkoa ez da dersberdina izan. Bi taldeek sekulako ahalegina egin dute bi puntuak irabazteko, baina azkenean Bidasoa nagusitu da. Adrian Crowley, Rodrigo Salinas eta, batez ere, Jose Manuel Sierra (15 geldiketa) neurketa ikusgarria burutu dute. Anaitasunak ere neurketa bikaina egin du eta ez du amorerik eman amaiera arte. 33 puntu ditu dagoeneko Bidasoak, Asobal Ligako bigarren postuan jarraitzen du. 

Neurketa hasiera gogorra izan da bi taldeentzat. Jokalarien aurpegietan nabaritzen zen derbia zela eta Bidasoak zein Anaitasunak bi puntuak bereganatu nahi zituztela. Horrela hasi da neurketa, berdintsu. Lehen partzialek ez dute alde handirik lortu, ez Anaitasunaren lehenak, ezta Bidasoaren ondorengoak ere. Crowley eta Rodrigo Salinas izan dira lehen zatiko protagonistak talde irundarraren aldetik. Crowleyk hiru gol erdietsi ditu lehen ordu erdian eta horietatik bi Salinasen paseak izan dira, beti bezain maisu Txiletarra. 5-5ekotik 3-0eko partziala lortu du Bidasoak eta Enrique Dominguezek, Anaitasunaren entrenatzaileak, hutsartea eskatzea eragin du. Hutsartetik bueltan, Anaitasunaren erreakzioa iritsi da. Oso antzekoak izan diren bi gole erdietsi dituzte: Sierraren gelditu baten ostean, aldaratzea hartu eta sarea urratzea. 9-8 hurbildu dira irundarrak, baina lehen zatiko azken minutuetan, Julen Aginagalde, Jon Azkue eta Rodrigo Salinasek golek 13-10 jarri dute Bidasoa aurretik. Neurketaren atarikoan atezainak garrantzitsuak izango zirela ohartarazi zuen Cuetarak. Esan eta agertu. Lehen zatian, Asobalen hamaika neurketa baino gehiago jokatu duen Sierrak 8 baloi geratu dizkio Anaitasunari.

Sierraren kontraerasoko geldiketa eta Crowleyren gola, horrela hasi da bigarren zatia. Bidasoa neurketa haustera atera da eta zentzu batean lortu du. 17-12ko errenta lortu du lehen bost minutuetan (ordura arte, neurketako handiena) eta ondoren 19-14 berdina erdietsi dute. Lehen zatian antzera, Enrique Dominguezek neurketaren erritmoa geratu nahi izan du hutsartea eskatuta. Hutsartetik ziztu bizian irten da Anaitasuna, Bidasoak bost minutu gol bakar bat sartu gabe egon dela baliatu du 0-3ko partziala egin eta 20-18ra hurbiltzeko (Ander Torriko, Edu Fernandez eta Martin Ganuza izan dira goleatzaileak). Bi taldeek defentsak estutu dituzte eta erasoko lana bikain oztopatu dute. Anaitasunako entrenatzaileak hutsartea eskatu du erasoko jokaldia prestatzeko, fly-a atera da, baina epaileek baliogabetu dute. Azken bost minutetara 24-19 Bidasoa errentarekin iritsi da, berriz bost gol. Banakako defentsa jarri du Enrique Dominguezek, 24-22era hurbildu da Anaitasuna eta bazirudien lehen itzulikoa alderantziz gertatuko zela. Jacobo Cuetarak, haserre, hutsarte baten bidez neurketa gelditu eta azken minutuetako jarraibideak eman ditu. Jarraitu ala ez, gol trukaketa izan da eta azkenean 27-25 bukatu da neurketa.

Fitxa teknikoa

27 – Bidasoa Irun (13+14). Sierra, Cavero (2), Crowley (6), Racotea (2, 1 p.), Serrano (2), Salinas (6), Azkue (3, 1 p.); Ledo, Santano (1), Gey-Emparan, Julen (2, 1 p.), Nieto (1), Da Silva (1), Tesoriere (1), Urruzola, Bonanno.

25- Helvetia Anaitasuna (10+15). Bols, Meoki, Torriko (5), González, Chocarro, Fischer (1), Izquierdo (2, 1 p.); Cancio, Gastón (1), Fernández (4), Ganuza (1), Etxeberria (3), Redondo (3), Dashko, Albizu, Del Arco (5). 

 

JACOBO CUETARA: “ANAITASUNAREN KONTRAKO DERBIA BETI OSO PAREKATUA IZATEN DA”
Eskubaloia

JACOBO CUETARA: “ANAITASUNAREN KONTRAKO DERBIA BETI OSO PAREKATUA IZATEN DA”

Bidasoa Irunen ortzirale honetan (martxoaren 29an) jasoko du etxean Anaitasuna, euskal derbia jokatzeko

Bidasoa Irun etxera bueltatuko da asteburu...

AGUSTINOS ALICANTE IZANEN DA BIDASOAREN AURKARIA ERREGE KOPAKO KANPORAKETAN
Eskubaloia

AGUSTINOS ALICANTE IZANEN DA BIDASOAREN AURKARIA ERREGE KOPAKO KANPORAKETAN

Apirilaren 10ean ospatuko dute bi taldeek hirugarren kanporaketa partida bakarrean

Agustinos Alicante izanen da Bidasoa Irunen aurkaria apirilaren 10ean...

BIDASOAK PORROTA JASO ZUEN NAVAN
Eskubaloia

BIDASOAK PORROTA JASO ZUEN NAVAN

Bigarren zatian aukera izan zuen talde horiak puntuak eskuratzeko, baina azkenik gol bakarrarengatik ihes egin zion garaipenak

Bidasoak ezin izan...

HONDARRIBIA ESKUBALOIAK BERE ZUZENDARITZA BATZORDEA BERRITU DU
Eskubaloia

HONDARRIBIA ESKUBALOIAK BERE ZUZENDARITZA BATZORDEA BERRITU DU

Ibilbide berri honetan, CD Bidasoako presidenteak, Gurutz Aginagaldek, bere babesa adierazi nahi izan du eta 2019ko udatik dauden harremanak...

JACOBO CUETARA: “SENDO AZALDU BEHAR GARA, DEFENTSAN ONGI EGON ETA KONSTANTE IZAN”
Eskubaloia

JACOBO CUETARA: “SENDO AZALDU BEHAR GARA, DEFENTSAN ONGI EGON ETA KONSTANTE IZAN”

Bidasoa Irunek Viveros Herol BM Nava taldea bisitatuko du larunbatean 21:00etan

Bidasoa Irunek Plenitude ASOBAL Ligari segida emanen dio asteburu...

BM BIDASOA IRUN EUSKADIKO JUBENIL TXAPELKETAKO TXAPELDUNORDE
Eskubaloia

BM BIDASOA IRUN EUSKADIKO JUBENIL TXAPELKETAKO TXAPELDUNORDE

Irundarrek Balonmano Barakaldo A taldea izan zuten aitzinean finalean, eta 24-23ko markagailuarekin irabazi zuten bizkaitarrek

Euskadiko Jubenil...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika