13,04’’ inoizko denbora onena egin zuen Madrilgo Meetingean, bosgarren sailkatu zen eta Tokion lehiatzeko rankingean gora egin zuen.

Teresa Errandoneak berriro egin zuen. Klubeko, Gipuzkoako eta Euskadiko errekorrak ondu zituen eta Tokioko Joko Olinpikoetan lehiatzeko aurrerapauso ikaragarria eman zuen. Madrilgo Meetingeko finalean, 13,04’’ behar izan zituen 100 metro hesidun proba egiteko.

Aurretik, final erdietan, 13,16’’ egin zituelarik, hirugarren sailkatu zen Errandonea. Esan bezala, finalean, 13,04’’ denbora egin zuen, laugarren eta bosgarren postuetatik oso gertu. 13 segunduko langa gainditzetik hurbil geratu zen Errandonea, baina Di Lazzaro eta Bogliolo azkarrago ibili ziren.

Tokiorako minima lortzea oso garesti dagoen arren, 40 hesi jauzilari onenen artean sailkatzea du helburu Errandoneak. Egun, 33.sailkatua da atleta irundarra eta egunak pasa ahala, ametsa betetzetik gertuago aurkitzen da.