TXINGUDI KORRIKA LASTERKETAREN EDIZIO BERRI BAT ANTOLATU DUTE

Urriaren lehenean ospatuko dute lasterketa honen 23. edizioa

Hendaiako Udaletxean egin zen atzo Txingudi Korrikaren 23. edizioaren aurkezpena. Urriaren 1ean ospatuko da Txingudiko Badiaren inguruan dauden hiru hiriak (Hendaia, Hondarribia eta Irun) zeharkatzen dituen lasterketa. Aurkezpenean bertan izan ziren Jean-Michel Arruabarrena, Kalixa Silanes eta Borja Olazabal, Hendaia, Hondarribia eta Irungo udaleko ordezkariak, Iñigo Eseverri BATeko ordezkaria, Mikel Calbete Urpeko ordezkaria, Pilar Fuertes mugaz gaindiko patzuergoaren ordezkaria eta Ane Zabala Salto Systems probako babeslea den enpresaren ordezkaria.

Txingudi Korrikak berritasun gutxi izanen dituela aipatu zuen Iñigo Eseverri Bidasoa Atletiko Taldeko lehendakariak. Beste urteetan egindako ibilbide bera izanen du lasterketak. Urpean elkarteko egoitzatik aterako da eta Hendaia zeharkatu ondoren, Irunera iritsiko da Donejakue zubitik. Kolon Pasealekutik, Hondarribia Kalea pasatu eta Hondarribia ere zeharkatuko dute partehartzaileek, atletismo pistan bukatzeko. Berritasun nagusiena berriz, aurten lasterketa Espainiako Atletismo Federazioak homologatzen duela da. Anoa-gunea, betiko moduan, bostgarren kilometroan egonen da kokatuta, baita helmugan ere.

Izen-ematea dagoeneko irekita dago eta kirolprobak.com webgunean egin daiteke, baita BATeko bulegoetan ere. Inskribapenak 15 euroko kostua izanen du, aurretik eginda, eta egunean bertan egiten bada, 20 euro ordaindu beharko dira. Eseverrik jakinarazi zuenez, jada “350 partehartzaile ditugu izena emanda, eta espero dugu 500 partehartzailetik gora edukitzea”.

Lasterketa urriaren lehenean ospatuko da, 16:30etatik aitzinera. Hala ere, dortsalak aurreko egunean bildu beharko dira Mendibilen, 18:00etatik 21:00etara, horretarako prestatuko duten gunean. Bertan, aurtengoa edizioko kamiseta, lasterkariaren poltsa eta dortsala emanen dira.

Sarien inguruan ere mintzatu zen Eseverri eta lehen bost lasterkariek saria izanen dutela argitu zuten, bai gizonezkoetan baita emakumezkoetan ere. Gainera, lehen postuan helmugaratzen diren hiru hirietako gizon eta emakumeek ere saria izanen dute. Aurten, berrikuntza moduan, errekorra lortzen duen lasterkariak ere 100 euroko saria jasoko duela aipatu zuen BATeko lehendakariak.

Lasterketaren egun berean, baina aitzinetik, gurpildun aulkian eta handbiken parte hartzen duten lasterkarien txanda izanen da. Proba hauetan helmugaratzen diren lehen hiru partehartzaileek ere sariak izanen dituzte, bai gizonetan eta baita emakumeetan ere. Gainera, denek izanen dute aukera irteerara eta helmugara itsasontzian iristeko. Pandemiaren ondoren berreskuratu ahal izan duten zerbitzua da hau eta partehartzaile guztientzat egonen da irekita.

Txikienentzat lasterketa

Urriaren 1ean, goizean zehar, txikienek ere izanen dute lasterketan parte hartzeko aukera. Laboral Kutxak lagunduta, Stadium Galeko inguruetan, hainbat lasterketa ospatuko dira maila desberdinetara egokituak egonen direnak. Hemen ere izena eman beharko da, kirolprobak.com webgunean, baina inskripzioak doan izanen dira.

ARANTXA AUSAN EUROPAKO TXAPELDUN W50-KO 60 METROKO HESI LASTERKETAN

Abel Castañaresek zilarrezko domina eskuratu zuen M65 kategoriako 8 kilometroko krosean

Europako Master Txapelketa ospatu zen pasa den astean,...

ALEJANDRO ESTEBAN ETA UNAX ERASO LAUGARREN ETA HAMARGARREN ESPAINIAKO JAURTIKETA LUZEKO TXAPELKETAN

Estebanek xabalina-jaurtiketan lortu zuen laugarren postua eta Erasok hamargarren mailu-jaurtiketan

Espainiako Neguko Jaurtiketa Luzeko Txapelketa...

AIMAR OTXOTEKOK IRABAZI DU LESAKAKO V MENDI LASTERKETA

Lesakarrak 2019ko lehen edizioko errekorra hautsi zuen, ordubete eta hamar minutuan osatuz 14 kilometroko ibilbidea

Aimar Otxoteko Larrarte...

CARLA MARTINEZEK ETA LAIA OLASCOAGAK URREZKO ETA BRONTZEZKO DOMINAK ESKURATU DITUZTE ESPAINIAKO 20 URTEZ AZPIKO TXAPELKETAN

Horiez gain, BATeko bertze zazpi atletek hartu dute parte Espainiako Txapelketan

Bidasoa Atletiko Taldeak parte hartze handia izan du...

BIDASOA ATLETIKO TALDEKO MASTERRAK URREZKO LAU DOMINA ESKURATU DITUZTE ESPAINIAKO TXAPELKETAN

Hauez gain, 16 urtez azpiko hiru atleta aritu dira txapelketa berean lehian estreinakoz

Donostian ospatu zen Espainiako Pista Estaliko Master...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika