Plaiaundin elkartuko dira adin guztietako errugbilariak arratsaldean partiduak jokatzeko
Denboraldia bukatuta, eta hau bera ospatzeko, Txingudi...
02 Ots, 2023
14 urtez azpiko taldeak ere Zarautz/Beltzak bisitatuko du
Txingudi Rugby Klubeko taldeek ez dute Plaiaundin jokatuko asteburu honetan, baina seniorrek eta 14 urtez azpikoek neurketa izanen dute larunbatean. Lehen taldea Igorren arituko da, Arratiko Zekorren kontra, eta bigarrenak berriz, Zarautz/Beltzak bisitatuko dute.
Zaisa Txingudiko senior mailako mutilak lehiara bueltatuko dira asteburu honetan. Hain zuzen ere, larunbat honetan jokatuko dute datorren jardunaldia, Arratiko Zekorren kontra. Neurketa Igorreko San Txisme zelaian jokatuko da, larunbatean (otsailaren 4ean), 16:00etan. Denboraldiko lehen zatian, bizkaitarrek gogor jokatu zuten Plaiaundin eta etxekoen defentsa guztiz nahastu zuten, emaitza euren alde utziz. Oraingoan, Iñigo Camarero eta Alejandro Lasaren mutilek defentsa landu eta aurkariaren jokora moldatzeko ahaleginak egin dituzte asteburuari begira.
Bidasotarrak baldintzatuak egonen dira hala ere, Oihan Arruabarrena, Iker Tejero eta Xabi Sanchez jokalariak baja izanen baitira larunbaterako eta “Gabo” Lizarazu, Sua Varela, Ramon Bergua, Urko Genua, Asier Amigo eta Asier Gonzalezen partehartzea ere zalantzan baitago oraindik. Edonola ere, mugakoek euren mailarik onena emateko prest daude. Camareroren hitzetan, “igoera zuzena lortzeko aukera izaten jarraitu nahi badugu, geratzen zaizkigun bost partidak, nahi eta nahi ez, irabazi behar ditugu”.
14 urtez azpiko taldea Zarautz/Beltzak-en kontra arituko da
Bertzalde, 14 urtez azpiko taldea Lasarte-Oriako zelaian arituko da, Zarautz/Beltzak-en kontra. Peiko Pardo eta Koldo Alonso prestatzaileek “gure ligako taldeen maila oso parekatua da eta horrek gure neska-mutilei ikasi eta gozatzeko aukera ematen die”, adierazi dute.
(Argazkia: Beñat Herrero)
Plaiaundin elkartuko dira adin guztietako errugbilariak arratsaldean partiduak jokatzeko
Denboraldia bukatuta, eta hau bera ospatzeko, Txingudi...
Txingudi Rugby Klubeko taldeak ezin izan zuen Sarako Izarra garaitu eta bigarren postuan bukatu du senior mailako bere lehen denboraldia
Ligako...
Ligako B multzoko lider moduan buka dezake modu ofizialean lehiatu duen lehen denboraldia
Biok Txingudik bukaera emanen dio asteburu honetan Ligari....
Txingudi Rugby Klubeko 14 urtez azpiko taldeak ezin hobe bukatu du denboraldia
Txingudi Rugby Klubeko 14 urtez azpiko Txingudi/Baztan taldeak...
La Unica taldea jasoko dute 14 urtez azpiko taldeak finala jokatzeko, maiatzaren 11n 11:00etan
Txingudi Rugby Klubeko taldeak denboraldi bukaerara...
Arrasate/Eibar Bri 27-22ko markagailuarekin irabazi zion mugako taldeak eta honela, sailkapeneko bigarren postura igo da
Biok Txingudik 27-22ko...