ZAISA TXINGUDI BIGARREN MAILARA JEITSIKO DA
Errugbia

ZAISA TXINGUDI BIGARREN MAILARA JEITSIKO DA

Aurreko igandean Riojaren aurka 27-21 galdu ondoren, bidasotarrek bigarren mailan jokatuko dute datorren denboraldian

Zaisa Txingudik Euskal Ligako azken jardunaldia jokatu zuen aurreko igandean Logroñon, bertako Rioja taldearen aurka. Bi taldeek ere ez zuten ordurako ezer jokoan. Bidasotarrek ia ziurtatua zuten bigarren mailarako jeitsiera eta Riojak ere playoffetarako sailkatzeko aukerarik gabe gelditu zen aurreko jardunaldian. Beraz, partida entretenigarria izan zen eta norgehiagoka lehiatua, errioxarren alde 27-21eko markagailuarekin amaitu zena.

Bidasotarrek partiduari indarrez ekin zioten hasieratik. Zortzigarren minutuan, Riojak hiru punturekin ireki zuen markagailua zigor kolpe baten bidez. Hala ere, Txingudi ez zen atzean geratu eta, Adur Manterolari esker, 3-3koa eskuratu zuen. 26. minutuan berriz, etxekoen erantzuna iritsi zen eraldatutako lehen entsegu baten ondoren (10-3). Adur Manterolak berriz ere, zutoinen artean zigor kolpe bat egin eta aldea hiru golera murriztu zuen, 10-6koa ezarriz. Atsedenaldia baino lehen, Riojak beste entsegu bat lortu eta lehenengo zatia 15-6ko markagailuarekin bukatu zuten bi taldeek.

Bigarren zatian Txingudik intentsitate maila mantentzea lortu zuen eta garaipena hurbil zuela ikusita, borrokan jarraitu zuen. Hau markagailuan islatu zen, izan ere, Asier Amigoren entseguarekin eta Manterolak egindako zigor kolpearekin, errioxarren errenta puntu bakar batera murriztu zuten bisitariek (15-14). Riojak ez zituen besoak jeitsi, eta bi entsegu gehiago lortu zituzten, 55. eta 64. minutuetan hurrenez hurren (27-14). Bidasotarrek, itxaropena galdu gabe, lehian jarraitu zuten eta aurkariaren akats bat aprobetxatuta, Manterolak berriz ere entsegu bat eraldatu eta zazpi puntu gehitu zituen markagailura, 27-21ekoa ipiniz. Hortik aurrera, Camarero eta Herreroren taldeak erasotzen jarraitu zuen, baina ezin izan zuen errioxarrekin aldea gehiago murriztu.

Neurketa honekin, Zaisa Txingudik zazpi puntu batu ditu guztira aurtengo denboraldian. Azken postuan amaitu du urtea, garaipen batekin eta beraz, datorren urtean bigarren mailan arituko da. Aurtengo denboraldiaren amaiera ona izan den arren, ez da nahikoa izan lehenengo mailan mantentzeko. Taldekideen lesioak baldintzatu du Txingudiren jokoa eta hori emaitzetan islatu da. Orain lesio horietatik berreskuratu eta hurrengo urteko denboraldiari begira jarri beharko da taldea. 

ESKOLEN ARTEKO NAZIOARTEKO TXAPELKETA JOKATUKO DA PLAIAUNDIN
Errugbia

ESKOLEN ARTEKO NAZIOARTEKO TXAPELKETA JOKATUKO DA PLAIAUNDIN

Txingudi Rugby Klubak antolatu du “Biok Experimental Shopping Txingudi Badia” topaketaren bigarren edizioa

Txingudi Rugby Klubak bigarrenez...

TXINGUDI RUGBY KLUBEKO SENIORREK EZIN IZAN DUTE GARAIPENIK BATU ASTEBURUAN
Errugbia

TXINGUDI RUGBY KLUBEKO SENIORREK EZIN IZAN DUTE GARAIPENIK BATU ASTEBURUAN

Biok Txingudik 29-22 galdu zuen Neskak Loratzen taldearen kontra, eta Zaisa Txingudik ere 17-13ko emaitzarekin galdu zuen Bera Bera Bren...

PLAIAUNDITIK URRUTI EGONEN DIRA ASTEBURUAN TXINGUDI RUGBY KLUBEKO SENIORRAK
Errugbia

PLAIAUNDITIK URRUTI EGONEN DIRA ASTEBURUAN TXINGUDI RUGBY KLUBEKO SENIORRAK

Zaisa Txingudik bihar jokatuko du Bera Beraren kontra eta Biok Txingudik berriz, igandean Neskak Loratzen taldearen kontra

Txingudi Rugby Klubeko...

BIOK TXINGUDIK GAZTEDI GARAITU ZUEN ETA ZAISA TXINGUDIK BERRIZ LEHEN PORROTA JASO ZUEN ETXEAN
Errugbia

BIOK TXINGUDIK GAZTEDI GARAITU ZUEN ETA ZAISA TXINGUDIK BERRIZ LEHEN PORROTA JASO ZUEN ETXEAN

Txingudi Rugby Klubeko gazteek ere arrakastaz bukatu zuten asteburua

Txingudi Rugby Klubeko ia talde guztiek lortu dute asteburua arrakastaz...

BIOK TXINGUDIK HASIERA EMANEN DIO EUSKAL LIGAKO BIGARREN FASEARI
Errugbia

BIOK TXINGUDIK HASIERA EMANEN DIO EUSKAL LIGAKO BIGARREN FASEARI

Zaisa Txingudik berriz, play-offa jokatzeko eskubidea ematen duen bigarren postua lortzeko lehian segituko du

Atsedenaldiaren ondotik, Txingudi...

TXINGUDI RUGBY KLUBEKO SENIORRAK PLAIAUNDIN ARIKO DIRA
Errugbia

TXINGUDI RUGBY KLUBEKO SENIORRAK PLAIAUNDIN ARIKO DIRA

Biok Txingudik Bera Bera/Ordizia jasoko du eta Zaisa Txingudik berriz, Zarautz B/Beltzak taldea

Txingudi Rugby Klubeko senior mailako bi...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika