Txingudi Rugby Klubak antolatu du “Biok Experimental Shopping Txingudi Badia” topaketaren bigarren edizioa
Txingudi Rugby Klubak bigarrenez...
14 Urr, 2022
Talde bidasotarrak Igorreko Arratiko Zekorrak taldea jasoko du Plaiaundin, larunbatean 16:30ean
Zaisa Txingudik denboraldiko hirugarren neurketa jokatuko du asteburu honetan Plaiaundin, eta etxeko lehen garaipenaren bila aterako da zelaira. Horretarako, Igorreko Arratiko Zekorrak taldea gainditu beharko du bihar urriak 15, larunbata, arratsaldeko 16:30ean.
Aurreko jardunaldian La Unica taldea garaitu ondotik, Zaisa Txingudik dinamika berarekin jarraitu nahi du asteburu honetan ere. Hau lortuta, Euskal 1. mailara itzultzeko helburuan, urrats bat aitzinera eginen luke taldeak eta garrantzitsua izanen litzateke datozen partiduetarako. Hau guztia eskuratzeko, Iñigo Camarerok jokalaria guztiak izanen ditu prest asteburuan, Aitor Asurmendi izan ezik minez jarraitzen duelako.
Aurkariaren inguruan, Arratiko taldea sailkapeneko azken postuan dago kokatuta momentuz, partidurik irabazi gabe eta punturik batu gabe. Etxeko taldea aldiz, laugarren postuan dago, sei punturekin guztira, neurketa bat galdu, beste bat irabazi eta bi bonus puntu lortu ondotik. Hala ere, Camarerok adierazi duen moduan, “ezin gara fidatu, Arratiko aurkari oso kementsua da eta, egoera alde badu, min handia egin dezaken taldea da”. Klubetik aipatu dutenez, bi taldeek elkarren aurka jokatu zuten azken aldian, bizkaitarrek 46-12ko markagailuarekin garaitu zituzten bidasotarrak.
Txingudi Rugby Klubeko harrobia
Senior taldeaz gain, 18 eta 16 urtez azpiko taldeek eta errugbi eskolakoek ere hainbat partidu jokatuko dituzte asteburu honetan. Gainera, 14 urtez azpiko nesken taldeak ere Gipuzkoako selekzioarekin hitzordua izanen du.
Harrobiko nagusienak Gernikan arituko dira, bertako taldearen aurka, bihar (urriak 15) eguerdiko 12:30ean. 16 urtez azpikoek ere Eibarrera bidaiatu beharko dute, bihar ere, 11:00etan, bertako taldearen kontra neurtzeko. Errugbi eskolako taldeak berriz, topaketa bat eginen dute igandean Hernanin, Hernani, Atletiko San Sebastian, Bera Bera, Zarautz eta Lasarteko Beltzak taldeekin, goizeko 10:30etik aitzinera.
Nesken aldetik, 13 eta 14 urtez azpiko taldea Gipuzkoako selekzioekin bilduko da bihar, Hondarribian, 11:00etatik aitzinera. Azkenik, Plaiaundin ere bertze hitzordu bat izanen dute Lurraldeko neska errugbilariek. Hauek entrenamendu bat ospatuko dute igandean, goizeko 11:00etan.
Txingudi Rugby Klubak antolatu du “Biok Experimental Shopping Txingudi Badia” topaketaren bigarren edizioa
Txingudi Rugby Klubak bigarrenez...
Biok Txingudik 29-22 galdu zuen Neskak Loratzen taldearen kontra, eta Zaisa Txingudik ere 17-13ko emaitzarekin galdu zuen Bera Bera Bren...
Zaisa Txingudik bihar jokatuko du Bera Beraren kontra eta Biok Txingudik berriz, igandean Neskak Loratzen taldearen kontra
Txingudi Rugby Klubeko...
Txingudi Rugby Klubeko gazteek ere arrakastaz bukatu zuten asteburua
Txingudi Rugby Klubeko ia talde guztiek lortu dute asteburua arrakastaz...
Zaisa Txingudik berriz, play-offa jokatzeko eskubidea ematen duen bigarren postua lortzeko lehian segituko du
Atsedenaldiaren ondotik, Txingudi...
Biok Txingudik Bera Bera/Ordizia jasoko du eta Zaisa Txingudik berriz, Zarautz B/Beltzak taldea
Txingudi Rugby Klubeko senior mailako bi...