ZAISA TXINGUDIK EZIN IZAN ZITUEN ARRATIKOAK GARAITU
Errugbia

ZAISA TXINGUDIK EZIN IZAN ZITUEN ARRATIKOAK GARAITU

Bidasotarren akatsek partida aurkariaren alde erabakitzea eragin zuten 

Zaisa Txingudik lehen garaipena eskuratu nahi zuen etxean, baina desio horrek eragindako presioak ez zien beraien maila erakusten utzi. Horrez gain, Arratiko Zekorrak taldearen esperientziak eta lehen zatian proposatu zuen joko trebeak etxeko taldea urduritu zuen eta neurketan zehar akatsak egitea eragin zuen.

Arratiko Zekorrak indartsu atera ziren zelaira lehen zatitik. Beraien trebeziak Zaisa Txingudi urduritu zuen eta horrek zigor kolpe asko eginaraztea eraman zuen. Atsedenaldira bitarte, zaila egin zitzaion etxeko taldeari neurketa kudeatzea eta azkenean, punturik batu gabe bukatu zuen lehen zatia. Aurkariak aldiz, hiru entsegu lortu zituen, horietako bi eraldatuz, eta beraz, 0-19ko markagailuarekin iritsi ziren atsedenaldira.

Bigarren zatian, partidari buelta emateko helburuarekin zelairatu ziren bidasotarrak. Defentsan lan hobea egin zuen Txingudik, aurkariak puntu gehiago batu ez zezan. Neurketa kontrolatzea lortu zuen hein batean eta bukaeran, touch baten ondotik, Erlaitz Ayuelak lehen entsegua egin zuen (senior taldean lortzen zuen lehendabizikoa). Minutu gutxi beranduago, “Lutxo” Echevarriak bigarrena lortu zuen eta azkenik, Adur Manterolak ere azken entsegua egin zuen eraldaketarekin, bonus puntu bat ere eskuratuz. Horrela, 12-19ko markagailuarekin bukatu zen neurketa, Txingudi indar gehiago erakutsiz, baina garaipena ezinezkoa eginez.

Irun eta Hondarribia, Gipuzkoako oinarrizko errugbiaren egoitzak

Asteburuan ere, Gipuzkoako Errugbi Federazioak entrenamenduak antolatu zituen Plaiaundin eta bertan izan ziren Aitana Garrido, Maider Diaz, Helene Tristan, Lupe Pescador, Greta Gutierrez eta Laida Rodriguez etxeko emakume taldeko ordezkari gida, beste 24 jokalarirekin batera.

Bestalde, Hondarribian ospatu zen gizonezkoen selekzioen bileran Urtzi Arrieta eta Mattin Petrikorena (13 urtez azpikoetan) eta Adrien Muñoz, Oier Oliveira eta Ekaitz Sanchez (14 urtez azpikoetan) izan ziren klubeko ordezkariak.

16 eta 18 urtez azpikoak sentsazioak hobetzen

Klubeko 16 eta 18 urtez azpiko taldeak Eibarren eta Gernikan izan ziren, hurrenez hurren, asteburuko partidak jokatzen. Bertan, punturik batu ez bazuten ere, sentsazio onekin bueltatu ziren etxera. Diziplina, elkarlana eta sormena landu eta urduritasuna eta beldurrak atzean utzi zituzten eta emaitza onak iritsiko direlakoan dira.

Azkenik, errugbi eskolako jokalariek Hernaniko Landare zelaian jokatu zen topaketan hartu zuten parte.

(Argazkia: Lea Etxebarrieta)

ESKOLEN ARTEKO NAZIOARTEKO TXAPELKETA JOKATUKO DA PLAIAUNDIN
Errugbia

ESKOLEN ARTEKO NAZIOARTEKO TXAPELKETA JOKATUKO DA PLAIAUNDIN

Txingudi Rugby Klubak antolatu du “Biok Experimental Shopping Txingudi Badia” topaketaren bigarren edizioa

Txingudi Rugby Klubak bigarrenez...

TXINGUDI RUGBY KLUBEKO SENIORREK EZIN IZAN DUTE GARAIPENIK BATU ASTEBURUAN
Errugbia

TXINGUDI RUGBY KLUBEKO SENIORREK EZIN IZAN DUTE GARAIPENIK BATU ASTEBURUAN

Biok Txingudik 29-22 galdu zuen Neskak Loratzen taldearen kontra, eta Zaisa Txingudik ere 17-13ko emaitzarekin galdu zuen Bera Bera Bren...

PLAIAUNDITIK URRUTI EGONEN DIRA ASTEBURUAN TXINGUDI RUGBY KLUBEKO SENIORRAK
Errugbia

PLAIAUNDITIK URRUTI EGONEN DIRA ASTEBURUAN TXINGUDI RUGBY KLUBEKO SENIORRAK

Zaisa Txingudik bihar jokatuko du Bera Beraren kontra eta Biok Txingudik berriz, igandean Neskak Loratzen taldearen kontra

Txingudi Rugby Klubeko...

BIOK TXINGUDIK GAZTEDI GARAITU ZUEN ETA ZAISA TXINGUDIK BERRIZ LEHEN PORROTA JASO ZUEN ETXEAN
Errugbia

BIOK TXINGUDIK GAZTEDI GARAITU ZUEN ETA ZAISA TXINGUDIK BERRIZ LEHEN PORROTA JASO ZUEN ETXEAN

Txingudi Rugby Klubeko gazteek ere arrakastaz bukatu zuten asteburua

Txingudi Rugby Klubeko ia talde guztiek lortu dute asteburua arrakastaz...

BIOK TXINGUDIK HASIERA EMANEN DIO EUSKAL LIGAKO BIGARREN FASEARI
Errugbia

BIOK TXINGUDIK HASIERA EMANEN DIO EUSKAL LIGAKO BIGARREN FASEARI

Zaisa Txingudik berriz, play-offa jokatzeko eskubidea ematen duen bigarren postua lortzeko lehian segituko du

Atsedenaldiaren ondotik, Txingudi...

TXINGUDI RUGBY KLUBEKO SENIORRAK PLAIAUNDIN ARIKO DIRA
Errugbia

TXINGUDI RUGBY KLUBEKO SENIORRAK PLAIAUNDIN ARIKO DIRA

Biok Txingudik Bera Bera/Ordizia jasoko du eta Zaisa Txingudik berriz, Zarautz B/Beltzak taldea

Txingudi Rugby Klubeko senior mailako bi...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika