Norgehiagoka gogorra jokatu zuten Tudelanok eta Real Unionek larunbatean. Bi taldeak urteko lehen garaipena eskuratzera atera ziren eta aukerak hasieratik sortu zituzten bi taldeek.

Etxeko taldea izan zen lehena markagailuan aurreratzen 12.minutuan. Baina minutuak aurrea joan ziren einean, talde txuribeltzak, larunbatean horiz jantzia zioana, baloiaren jabe egin zen eta Galani egindako penalti bat baliatu zuen partidua berdintzeko. Jorge Galan bera izan zen golegilea.

Bigarren zatian, haizeak futbol zelaia astindu zuen eta jokoa zakartu zuen. Real Union taldea oso ordenatuta aurkeztu zen zelaian eta Juan Dominguezek egindako aldaketek jokoan eragin handia egin zuten.

Horrela, 80.minutuan Orbegozok 1-2ko jartzea lortu zuen, denboraldiko 10. Gola Real Unionen aurrelariarentzat. Talde irundarra jokoan eta markagailuan aurretik zela eta hiru puntuak Bidasoaldera etorriko zirela aurreikusten zenean, Tudelanok binako berdinketa eskuratu zuen.

Berdinketa mingarria beraz larunbatean Real Unionek Tuteran lortutakoa. Hurrengo norgehiagoka Torrelavegan jokatuko du Juan Dominguezen taldeak, bigarren bueltako lehen partidua izango dena. Azken jardunaldi honen ondoren, 22 punturekin sailkapeneko 13.na da Real Union. Ea 2019 honek aurreko urtean baino garaipen gehiago dakartzan.