Izugarrizko neurketa eginez Bidasoak Tartan Presov talde eslovakiarra 23-25 menderatu zuen, 24 urte ondoren, Bidasoaren kamiseta horia EHF Txapelketan garaipen berri bat erdietsi du

23 – Tatran Presov (13+10): Chupryna, Rabek (4), Urban (4), Afanou (3), Javi Muñoz (4, 1 p.), Vucko. Lapajne; Cvitkovic, Djeric (1), Krok, Tsarapkin (1), Stranovsky (1), Grzentic (5), Hozman eta Magalden.

25 – Bidasoa Irun (13+12): Xoan Ledo, Kauldi Odriozola (6, 1p.), Zabala (1), Esteban Salinas (2), Azkue (2), Rodrigo Salinas (3), Leo Renaud (2); Rangel, Cavero (3), Crowley (2, 1p), Iker Serrano (2), De la Salud (1), Seri (1), Matheus, Barthe eta Tesoriere. 

Aurreko urtetik Bidasoak balentria izugarriak burutzen ari dela, baina atzo muga guztiak gainditu zituzten. 12 orduko bidai bat egin ondoren, Presovera iritsi ziren larunbatean zeltuak zein jokalariak hainbeste espero zuten neurketa jokatzeko. Jokatu eta irabazi, eta nola gainera. Bidasoak garaipen gosea du eta norgehiagoka guztietan argi geratzen da zein den taldearen helburua, garaipena.

Bikain hasi zuen norgehiagoka Jacobo Cuetararen taldeak, Rodrigo Salinas izan zen lehena EHF Txapelketan gola sartzen, eta beste gol batzuren bitartez lehen abantailak irundarrarenzat ziren. Lehen zatiko errenta nagusia 18.minutuan iritsi zen, 8-10ekoa adierazten zuen markagailuak, baina ordutik aurrera Tartan Presovek neurketa berdindu eta 23.minututik aurrera markagailuan agintzen hasi zen. Hori bai, errentak gol batekoak izaten jarraitzen zuten eta atsedenaldira 13-13ko berdinketarekin iritsi zen.

Bigarren zatia berriro ere talde irundarraren abantaila batekin iritsi zen, Rangelen geldiketa on batek Kauldiren kontraeraso azkarra ahalbidetu zuen, hala ere, bigarren zatiko lehen minutuetan urduritasuna nabaria zen eta huts asko egin zituzten bi taldeek. Huts horiei hobekien erreakzionatu zuen taldea Jacobo Cuetararena izan zen eta 46.minutuan 0-4ko partzial baten bitartez 15-19ko abantaila lortu zuten. Ez zen neurketako errentarik nagusia izango, izan ere, 48.minutuan bost goletara aldendu zen Bidasoa, 16-21eko markagailuarekin hain zuzen. Orduan etxeko taldeak erreakzionatu zuen eta asko hurbildu ziren markagailuan, gol bakoitzak urrea balio zuen eta orduan Jon Azkue kapitainak ardura hartu zuen EHF Txapelketako lehen bi puntuak irunera eramateko. Azken markagailua esan bezala, 23-25ekoa izan zen.

Eslovakian jokatu eta irabazitako Velux EHF Kopako lehen jardunaldiaren ondoren, Bidasoaren hurrengo neurketa datorren asteazkenean izango da, Benidormen aurka Asobal Ligaren hirugarren jardunaldiari aurre egingo diote. Berriro ere, astean zehar bi neurketa jokatu beharko ditu Bidasoak, larunbatean Artalekura Europako txapelketa itzultzen baita, arratsaldeko 16:00tan Cocks talde finladiarraren aurka.