29 Eka, 2021
(Argazkia: Gio Batista)
Espainiar Estatuko futbol federazioak atzoko egunean 1.Federazio mailako txapelketen egutegi ofiziala ezagutzera eman zuen.
Espainiako Futbol Federakundearen Ordezko Batzordeak kategoria ezberdinen egutegiak onartu ditu eta uztailaren 1etik aurrera taldeak inskribatzeko eta parekatzeak zozketatzeko prozesua hasiko ditu. Real Unioni dagokionean, denboraldi berria abuztuaren 29 eta 30an hasiko du.
Gainera, Espainiako Futbol Federazioak antolatzen dituen txapelketen xehetasunak ere berretsi dituzte; besteak beste, Errege Koparen lehiaketarena. Brontzezko kategorian aditua den ‘Segunda B pro’ twitter kontuak aurtengo Errege Kopan parte hartuko duten 1. Federazio mailako taldeen zerrenda argitaratu zuen eta bertan, Real Unionen izena ageri da. Historian zehar lau Errege Kopa eskuratu duen talde txuri-beltzak, 2017ko abuztuaren 30etik zeraman Errege Kopako txapelketa jokatu gabe, Calahorraren aurka 1-0 galdu zuen orduan. Oraindik memorian iltzatuta dauden balentria andana egin ditu Real Unionek lehiaketa honetan eta, dudarik gabe, klubarentzat albiste ona da horrelako txapelketa batean berriro ere lehiatzea.
Denboraldi-aurreko bi hitzordu garrantzitsu.
Denboraldi hasiera finkatuta dagoelarik, denboraldi-aurrearen hasiera hurbiltzen hasia da. Oraindik kluba talde berria osatzen ari den une honetan, denboraldia hasi aurreko bi lagun arteko finkatuta omen ditu. Lehen hitzordua uztailaren 31n izango da, Santanderreko Racingen aurka. Oraindik xehetasun gehiegirik ez dugun arren, Real Unionek taldearen aurkezpena egiteko baliatuko du, zuzendaritza eta talde berria zalegoaren aurrean aurkezteko.
Bigarren deialdi garrantzitsu bat izango du Real Unionek denboraldi-aurrean. Atzo Athleticek iragarri zuen arabera, abuztuaren 11n talde txuri-beltzak lehoi kumeen aurka neurtuko dituzte indarrak.
Hernaniren kontra 3-1 irabazi zuen Carlos Garciaren taldeak, azken hiru puntuak poltsikoratuz
Real Unión Roca: Rodríguez; Cabo, Pinillos,...
Deportivoren kontra 3-1 galdu bazuen ere, bertze taldeen emaitzek ahalbidetu dute talde txuribeltzak maila mantentzea
Real Unionek denboraldiko...
Real Unionek Deportivo de la Coruña liderraren kontrako partiduarekin bukatuko du denboraldia
Lehen RFEF mailako taldeek ere asteburu honetan...
Unai Gordok bere atean sartutako gol baten ondorioz, Mutrikuk eraman zuen garaipena
Mutriku FT: Arambarri; Etxebarria, Blanco...
Talde txuribeltzak Fuenlabrada garaitu zuen (2-1) luzapenean Bazek sartutako gol bati esker
Real Unionek denboraldiko azken aurreko jardunaldia...