Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
14 Mar, 2022
Bidasoak Leongo Ademarren aurka 26-27ko markagailuarekin galdu zuen atzo etxean jokatutako neurketan
Bidasoak, orain izango duen atsedenaldi txikiaren aurretik, atzo eguerdian jokatu zuen denboraldiko 21. jardunaldia Artalekun. Oraingo honetan, Abanca Ademar Leon taldea jasotzea egokitzen zitzaion, eta aurreikusten zen moduan, partida zaila izan zen. Azkenean, garaipena eskuratzeko puntuan egon baziren ere, irundarrek gol bakar batengatik galdu zuten neurketa, 26-27ko markagailuarekin.
Lehendabiziko zatian, talde bisitaria izan zen nagusi eta, 15. minuturako, lau goleko errenta eskuratu zuen (5-9). Izan ere, aurreko hamar minutuetan gogor aritu ziren aurkariak eta 0-5eko partziala lortu zuten. Hala ere, etxekoek ez zituzten besoak jaso eta Xoan Ledok atean egin zuen lana baliatuta, bi taldeen arteko aldea gol bakarrera murriztea lortu zuen Bidasoak, atsedenaldira 13-14koarekin iritsiz.
Bigarren zatiaren hasieran berriz, irundarrak indarberrituta atera ziren kantxara eta markagailua irauli zuten aurretik jarriz. Ademarrek honi erantzuna eman zion eta 17na berdintzea lortu zuen, baina Bidasoak berriz ere tartea ireki zuen bi taldeen artean (40. minutuan, 21-18). Hortik aurrera, aldiz, neurketa inoiz baino parekatuagoa egon zen. Hurrengo hiru partzialak berdinketak izan ziren (45. minutuan, 21-21; 50. minutuan, 23-23; 55. minutuan, 25-25), eta horrela azkeneko bost minutuetako jokaldiak erabakigarriak izan ziren. Hain zuzen ere, azkeneko jokaldietako batean Iñaki Cavero Ademarreko atezainarekin topatu zen eta aurkariak, hau aprobetxatuta, eta arrakasta izanda beraien jaurtiketan, gola sartu eta garaipena eskuratu zuten, 26-27koarekin.
Omenaldiak Cavero eta harrobiko jokalariei
Atzoko egunean, gainera, Bidasoak omenaldiak egiteko aprobetxatu zuen. Alde batetik, neurketa hasi aurretik, Gurutz Aginagalde klubeko presidenteak otsaileko Ligako MVP saria eman zion Iñaki Caverori. Beste aldetik, partiduaren atsedenaldian, harrobiko hiru taldeen lorpenak goraipatu nahi izan zituzten: emakumezkoen eta gizonezkoen kadete eta jubenilak Euskadiko Kopako txapeldunak izateagatik eta gizonezkoen kadeteen paper handia 2020/2021 denboraldiko Espainiako Txapelketan.
Hurrengo erronka
Astebeteko atsedenaldiaren ondoren, Bidasoa Irunen hurrengo neurketa Errege Kopako final laurdena izango da Antequeran, Fraikin BM. Granollersen aurka. Partidu hau martxoaren 25ean ospatuko da, eguerdiko 12:30ean. Finalerdietako txartela lortuz gero, martxoaren 26an, larunbatean, izango dute neurketa arratsaldeko 19etan edo gaueko 21etan. Azkenik, igande horretan izango da Errege Kopako final handia, arratsaldeko 19etan.
Artalekun jokatuko den hurrengo partida, martxoaren 29 edo 30ean izango da. Hain zuzen ere, EHF European Leagueko Last 16ko kanporaketako joaneko neurketa izango da hau GOG talde danimarkaren aurka.
(Argazkia: Arrate Morales)
Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
Bidasoak Puerto Sagunto jasoko du larunbatean (maiatzaren 18an) Artalekun, etxean jokatuko duen azken partiduan
Bidasoa Irunek Plenitude ASOBAL...
Maiatzaren 31n ospatuko da neurketa Jaengo Olivo Arenan
Bidasoa Irunek ID Energy Caserio Ciudad Real taldearen kontra jokatuko du 2023/2024 Errege Kopako...
Talde horiaren hamazazpigarren partehartzea izanen da EHF European Leaguen
Bidasoa Irunek pasa den asteburuan lortu zuen aurtengo denboraldiko helburu...
Emakumezkoen eskubaloia maila guztietan indartzeko erronka duela argitu du klubak
C.D. Bidasoak emakumezkoen eskubaloiarekin zuen zor historikoa...
Talde irundarrak 32-29 galdu zuen eta txapeldunordetza irabazteko lehen aukera galdu zuen
Bidasoak Bada Huescaren kontra galdu egin zuen pasa den...