Talde txuribeltzak hutsera berdindu zuen etxean Cultural y Deportiva Leonesa taldearen kontra
Real Unionek hutsera berdindu zuen, pasa den...
16 Ira, 2022
Real Unioneko bederatzi jokalari lesionatuta daude eta beraiek gabe egin beharko diote aurre igandean Eldenseri
Real Unionek datorren igandean Eldenseren aurka jokatuko du denboraldiko laugarren jardunaldia. Eguerdiko 12:00etan ospatuko da partida, Eldan, eta talde txuribeltza murriztuta aterako da zelaira. Izan ere, azken astean zenbait jokalari zauritu dira eta lehen taldeko bederatzi gutxiagok bidaiatuko dute asteburu honetan. Hala ere, Aitor Zulaikak erran duen moduan, harrobira begira jarriko dira eta Real Union B taldeko jokalariek osatuko dute deialdia.
Aitor Zulaikak entrenatzen duen taldeak arazoak ditu asteburu honetan. Izan ere, bederatzi jokalari ditu lesionatuta, azken asteetan min hartu dutelako. Honek lehen taldea baldintzatuko du, baina entrenatzaileak honen inguruan filosofia bat duela ere azpimarratu du: “Zaurituak animatu behar dira eta lasai hartzeko esan. Entrenatzaile moduan, daudenekin pentsatu behar dut. Hau jokatu zaigu momentu honetan, baina badakidan gauza bakarra hamaika jokalaria on aterako direla igandean Eldan Eldenseren aurka”.
Arazo hau “entrenamenduek inoiz baino pisu gutxiago duten” momentuan iritsi dela aipatu du Zulaikak, baina edonola ere “alde positiboari begiratu behar” diotela gaineratu du. “Aulkian nahi baino jokalari gutxiago izanen ditugu lehen taldekoak, baina zorionekoak gu B taldekoak hor ditugula. Segur aski harrobiko jokalari batzuk lehen taldearekin bidaiatzeko eta jokatzeko aukera izanen dute”, jakinarazi du prestatzaileak.
Hori guztia gaur eta bihar artean erabaki beharko du Aitor Zulaikak bere talde teknikoarekin. Izan ere, Ligako laugarren jardunaldia igande honetan jokatuko da, Eldan, eta hara bidaiatu beharko dute bihar deialdian sartzen diren jokalari guztiak.
Talde txuribeltzak hutsera berdindu zuen etxean Cultural y Deportiva Leonesa taldearen kontra
Real Unionek hutsera berdindu zuen, pasa den...
Real Unionek bihar, maiatzaren 4an, jasoko du Cultural y Deportiva Leonesa taldea (19:00), 1924ko Koparen garaipenaren mendeurrenean
Real Union ere...
Doladok azken minutuan sartutako penaltiari esker berdindu zuen talde txuribeltzak
Real Unión Roca: Rodríguez; Poirier (Dolado, min. 70),...
Benitok sartu zuen bigarren zatian talde txuribeltzaren gola, baina ez zen nahikoa izan Svenssonek sartutako biak berdintzeko
Real Unionek 2-1 galdu...