Real Unionek Osasuna Promesas bisitatuko du bihar Taxoaren
Real Unionek garaipena eskuratzeko bertze aukera bat izanen du bihar, apirilaren 27an,...
21 Urr, 2022
Real Unionek eta Sansek derbia jokatuko dute bihar 19:00etan Stadium Galen
Real Unionek Federazio Kopa alde batera utzi eta Ligan jarri beharko du begirada momentuz. Txapelketa honen helburuak lortzeko bidean, Sanseren kontra jokatuko duen neurketa gainditu beharko du. Bi taldeek derbia jokatuko dute bihar, urriak 22, Stadium Galen, arratsaldeko 19:00etatik aitzinera.
“Derbi polita”, horrela kalifikatu du biharko partidua Aitor Zulaikak. Sanse eta Real Union, azken urteetan, hainbat aldiz aritu dira elkarren kontra eta beti izan da zelaian giro berezi bat. “Ezagun asko ditugu taldean eta jokalarientzat eta teknikarientzat polita da, baita zaleentzat ere”, adierazi du Zulaikak. “Erregistro desberdinak darabilzkiten bi talde elkartuko gara eta partidu polit eta eder baten aurrean egongo gara”, gaineratu du.
Biharko neurketaren gakoetako bat “idea defentsiboak argi edukitzea” izango dela argitu du prestatzaileak, baita hori gauzatzeko “korrika asko” egitea ere. Sanse “marrazkia asko aldatzen ari dela” dio Zulaikak, baina edozein joko zelairatzen duela ere, talde donostiarrak maila ona ematen du beti. Azpeitiarrak azpimarratu duen moduan, Sansek “prestatzaile eta laguntzaile oso onak ditu, Sergio Francisco eta bere taldea, eta hori zelaian ikusten da”. Horregatik, Real Unionek kontuan hartu beharreko ideia “barruko jokoa moztea eta baloia edukitzea” izango da, aurkaria “baloi gabe asko sufritzen” duen taldea baita Aitor Zulaikaren erranetan.
Etxeko taldeari begira, zailtasunak pilatzen ari zaizkiola dirudi. Astean zehar bi zatitan banatua egon da taldea eta elkarrekin entrenatzeko aukera gutxi izan dute: “Astelehenetik ez gara elkarrekin egon eta gaur izango da balorazioa egiteko eguna”. Azken egunetan bidai luzeak egin dituzte txuribeltzek, baina hori “ez dela aitzakia” aipatu du entrenatzaileak. “Egia da partidu hau prestatzeko egun gehiago izatea nahiko genukeela, baina ez ditugu. Dugunarekin neurketa ondo prestatuko dugu”, amaitu du Zulaikak.
Real Unionek Osasuna Promesas bisitatuko du bihar Taxoaren
Real Unionek garaipena eskuratzeko bertze aukera bat izanen du bihar, apirilaren 27an,...
Letamendiak penaltiz sartutako golari esker jardunaldiko hiru puntuak etxean gelditu ziren
Real Unión Roca: Rodríguez; Arteaga (Fernández,...
Unionistas de Salamanca garaitu zuten etxean eta jeitsiera postuetatik aldentzen hasiak dira txuribeltzak
Real Unionek garaipen garrantitzusa lortu...
Real Unionek Unionistas de Salamanca jasoko du igandean, apirilaren 21ean, Galen 18:00etan
Real Unionek final baten moduko bertze partidu bat jokatu...