AITOR ZULAIKA: “GURE ARMEKIN ETA INONGO KONPLEXURIK GABE EGINGO DIOGU AURRE PARTIDUARI”
Futbola

AITOR ZULAIKA: “GURE ARMEKIN ETA INONGO KONPLEXURIK GABE EGINGO DIOGU AURRE PARTIDUARI”

Real Unionek igandean jokatuko du Atletico Balearesen aurka, arratsaldeko 20:00etan

Kopa Federazioko finaleko lehen neurketa irabazi ondoren, Real Unionek Ligako bigarren jardunaldiari aurre eginen dio asteburu honetan. Hain zuzen ere, txuribeltzek Mallorkara bidaiatu beharko dute bihar bertan jokatuko baitute Atletico Balearesen kontra. Hasiera batean, eguerdiko 12:00etan ospatu behar zen partida, baina tenperatura altuak direla eta arratsaldeko 20:00etan jokatuko da azkenean.

Atletico Baleares, dituzten baliabideengatik eta aurreko urteetan egindako lanagatik, “lehen postuetan egoteko faboritoetako bat” dela azpimarratu du Aitor Zulaikak gaurko prentsaurrekoan. “Izugarrizko plantilla egin dute eta orain taldea egiten ari dira, desberdina baita”, gaineratu du azpeitiarrak. Mallorkako taldeak aurreko astean Osasuna Promesasen aurka jokatu zuen eta hutsera berdindu zuen. Hala ere, Zulaikak aipatu duen moduan, Balearesek maila eman zuen eta beraien heldutasuna erakutsi zuten partidan: “Aurreko astean Taxoaren erakutsi zuten beraien heldutasuna. Hasiera ez hain ona egin ondoren, partiduari buelta eman zioten”.

Igandeko aurkariak “jokatzeko modu berezia” duela ere aipatu du Zulaikak eta “jokalari handiak” dituela baita ere. Honi aurre egiteko, Real Unioen bere “armekin” joango dela ziurtatu du, “inongo konplexurik gabe”.

Aste honetako entrenamenduei dagokionez, entrenatzaileak “desberdinak izan direla” argitu du: “Entrenamenduak desberdinak izan dira bi partidu genituelako. Motzagoak izan dira eta taktikoagoak”. Hala ere, taldea ongi dagoela adierazi du Aitor Zulaikak eta aurreko asteko jokalari guztiak prest daudela deialdirako: “Aurreko asteko baja berak ditugu, Jagoba Beobide eta Julian Luque. Gio Gagua zalantza izanen da azken momentura arte”.

Neurketa eguerdiko 12:00etan jokatu behar zen hasiera batean, baina tenperatura altuak direla eta, federazioak ordutegia aldatu egin du eta azkenean, Atletico Baleares eta Real Unionen arteko norgehiagoka igandeko arratsaldeko 20:00etan ospatuko da. 

REAL UNION ROCAK PUNTU BAT GEHITU ZUEN SAILKAPENEAN
Futbola

REAL UNION ROCAK PUNTU BAT GEHITU ZUEN SAILKAPENEAN

Amaikak Bat taldearen kontrako partidua banako markagailuarekin bukatu zen, Mario Capeletek penaltiz sartutako golari esker

Real Unión Roca:...

REAL UNIONEK PUNTU BAT EKARRI ZUEN LAS GAUNAS ZELAITIK
Futbola

REAL UNIONEK PUNTU BAT EKARRI ZUEN LAS GAUNAS ZELAITIK

Solísen eskutik ailegatu zen txuribeltzek markagailuan berdintzeko baliatu zuten gola

Real Unionek banako markagailua erdietsi zuen pasa den...

IÑIGO IDIAKEZ: “EZ NAGO TALDEAREKIN KEZKATUTA, GURE EGOERAREKIN BAIZIK”
Futbola

IÑIGO IDIAKEZ: “EZ NAGO TALDEAREKIN KEZKATUTA, GURE EGOERAREKIN BAIZIK”

Real Unionek SD Logroñes bisitatuko du Las Gaunas zelaian bihar, martxoaren 23an, 16:00etan

Real Unionek SD Logroñes bisitatuko du larunbat...

REAL UNION ROCAK PUNTU BAT EKARRI ZUEN MINTXETATIK
Futbola

REAL UNION ROCAK PUNTU BAT EKARRI ZUEN MINTXETATIK

Binako markagailua erdietsi zuen Carlos Garciaren taldeak azken minutuan Elgoibarren kontra

CD Elgoibar: Mosquera; Moya, Barrenechea,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika