Real Unionek Unionistas de Salamanca jasoko du igandean, apirilaren 21ean, Galen 18:00etan
Real Unionek final baten moduko bertze partidu bat jokatu...
09 Ira, 2022
Real Unionek UD Logroñes taldea jasoko du igandean Stadium Galen
Real Unionek igandean denboraldiko hirugarren jardunaldia jokatuko du Stadium Galen. Oraingoan UD Logroñes taldea jasotzea egokituko zaio, arratsaldeko 19:30ean. Nahiz eta garaipena eskuratzea zaila izanen den, Aitor Zulaika pozik dago aste honetan zehar egindako lanarekin eta “entrenamendu dinamika ona” izan dutela azpimarratu du.
Aurreko asteburuko berdinketaren ostean, Real Union segidan jarri zen igande honetako partidari begira. Atletico Baleares talde handia zela aipatu bazen ere, UD Logroñes are handiagoa da eta hauek garaitzea ere zaila izanen da. “Orain arte jokatu dituzten bi partidak ikusi ditut eta talde oso handia dela agerian da. Gimnastic-en aurka, beraien zelaian, izugarrizko partida egin zuten. Bilbao Athletic-en aurka ez ziren hain ondo ibili, baina hala ere talde handia da”, adierazi du Aitor Zulaikak. Gainera, “plantilla oso ona” duela eta “taldea oso landua” dagoela ere gaineratu du.
Hau kontuan izanik, talde txuribeltzak hauek gainditzeko prestaketak egin ditu astean zehar eta prestatzailearen hitzetan, “entrenamendu dinamika oso ona izaten ari gara. Gustora nago eta ideiak argi ditugu igandera begira”. Hamaikakoari dagokionez, “lesionatu asko ditugu eta zalantza asko neurketarako. Egia da nahi baino jende gutxiagorekin gaudela”, aipatu du Zulaikak. Hala ere, “horretarako gaude lanean, aurkariak ere aurrean talde handi bat izan dezan”, azpimarratu du entrenatzaileak azkenik.
Real Unionek beraz, eragozpen guzti hauek gainditu beharko ditu igandean etxean, eta bere mailarik onena erakutsi zelaian UD Logroñes bezalako talde handi baten aurrean puntuak irabazteko.
Real Unionek Unionistas de Salamanca jasoko du igandean, apirilaren 21ean, Galen 18:00etan
Real Unionek final baten moduko bertze partidu bat jokatu...
1-3ko markagailuarekin txuribeltzek garaipena eskuratu zuten Garmendipen, Lagun Onak B taldearen kontra
CD Lagun Onak B: Madrazo; Arizmendi,...
Sestaok sartutako bi penaltiekin, 3-1eko emaitzarekin galdu zuen Real Unionek
Real Unionek porrota jaso zuen pasa den larunbatean Las Llanas...
Real Unionek bihar bisitatuko du Sestao River (20:00), zalerik gabe jokatuko den neurketa ospatzeko
Real Unionek, pasa den asteburuko garaipena...