Arkupe elkarteak antolatutako lehiaketa izanen da eta Benito Taintaren omenez eginen dute
Arkupe elkarteak San Ferminetako 4 t´erdiko Pilota Txapelketa...
30 Mai, 2023
Maiatzaren 27an izan zen VIII. Emakume Pala Txapelketako bigarren jardunaldia Soroeta frontoian
Emeki Emakume Elkarteak antolatutako VIII. Emakume Pala Txapelketaren bigarren jardunaldia jokatu zuten Soroetan pasa den larunbat goizean. Bi partidak irabazita, Nerea Urizar Urrutia eta Laura Terrados Perez bikotea pasa da finalerdietara, baita Amaia Urkitza Azueta eta Maite Mariezkurrena Miranda ere, partida bat irabazi eta bertzea galduta.
Soroetan eman zioten hasiera aurtengo Emakume Pala Txapelketako bigarren jardunaldiari. Lehen partidan, Agurtzane Berastegi Aizpurua eta Irati Juanikorena Lakar bikotea Amaia Urkitza Azueta eta Maite Mariezkurrena Miranda bikotearen kontra aritu zen. Bigarrenak 9-15ko markagailuarekin irabazi zuen neurketa.
Bigarren partidan berriz, Agurtzane eta Irati, Nerea Urizar Urrutiaren eta Laura Terrados Perezen kontra aritu ziren eta bertze porrot bat jaso zuten, bigarren bikoteak 7-15ko markagailuarekin irabazi baitzuen. Azkenik, Amaia eta Maite eta Nerea eta Laura aritu ziren aurrez aurre. Hemen ere bigarren bikotea gailendu zen.
Emaitza hauekin beraz, bi partidak irabazita, Nerea eta Laura pasatu dira finalera. Partida bat irabazita eta bertzea galduta berriz, Amaia eta Maite ere sailkatu ziren ekainaren 3an ospatuko den finalerdirako. Lehen jardunalditik, Aloñak eta Maitek eta Itsasok eta Maiderrek lortu zuten finalerdietarako txartela. Egun berean ere, finala jokatu da. Partida guzti hauek Jostaldi pilotalekuan ospatuko dira, 11:00etatik aitzinera.
Arkupe elkarteak antolatutako lehiaketa izanen da eta Benito Taintaren omenez eginen dute
Arkupe elkarteak San Ferminetako 4 t´erdiko Pilota Txapelketa...
Egurrola eta Calvo izanen dituzte arerio martxoaren 2an Lesakako udal pilotalekuan
Lesakako Arkupe pilota elkarteak lehen aldiz antolatu du eskuz...
Finalean Igiñiz Barrio eta Del Frade izan zuten aurkari eta 22-16ko markagailuarekin irabazi zieten
Bixi-Bixi emakume pala txapelketa azkarra...