Real C eta Sanse taldeetan jokatu zuen pasa den denboraldian aurrelari donostiarrak

Real Unionek jakitera eman duenez, Realarekin akordio batera iritsi ondotik, Andoni Arzak jokalariak utzita jokatuko du Irungo taldean, hastear dagoen denboraldi honetan. Hogei urte dituen aurrelari donostiarra Realeko harrobian hezia izan da eta bere taldeetan jokatu du bizi guztian zehar.

Andoni Arzak aurrelari donostiarrak Real Unionen jokatuko du utzita datorren denboraldian. Realeko harrobian hazi da futbolari gisa eta azken urtean 30 partida jokatu ditu Zubietan. Horietatik 29 Real C taldearekin izan dira, Bigarren Federazioko II. Multzoan, eta bortz gol sartu ditu guztira Arzakek. Bertze neurketa Sanserekin jokatu zuen, Lehen Federazioko II. Multzoko partida batean.