Hiru set behar izan zituzten (15-7, 6-15, 5-3) Erkiaga-Etcheto bikotea garaitu eta Jai Alive World Tourreko Hondarribia Grand Slam Txapelketa bereganatzeko.

Arbe eta Lopezek jantzi zituzten Jai Alive World Tourreko Hondarribia Grand Slamean banatu ziren txapelak. Hiru setean, 15-7, 6-15 eta 5-3, irabazi zioten Erkiaga-Etcheto bikoteari; hain zuzen ere, nahiz eta ez irabazi, bigarren bikote honek ere sekulako ikusgarritasuna eman zioten norgehiagokari.

Gozatu ederra hartu zuten bertaratutakoek neurketan zehar ikusi ahal izan ziren tanto landuekin, Jostaldi pilotalekutik 500 jarraitzailek baino gehiagok jarraitu zuten bertatik bertara Hondarribia Grand Slameko finala,

Erkiaga-Etcheto bikoteak ez zuen ondo ekin neurketa, hotz sartu ziren pilotalekura. Arbe-Lopez ohartu ziren, bizkortasuna eman zioten partiduari eta lehen seta bereganatu zuten (15-7).

Bigarren setean, aldiz, Erkiagak hartu zuen neurketako agintea, lehen koadroetatik tanto bikainak egiten hasi zen eta bigarren seteko puntua eskuratu zuten (6-15). Bigarren set honetan Erkiagak eginiko lana benetan bikaina izan zen, hainbatetan altsarazi zuen zalegoa beren eserlekuetatik.

Ordubete baino gehiago lehian zeramatzatela, kale edo baleko setera heldu ziren bi bikoteak. Arbe-Lopez 3-0 aurreratu ziren erabakigarria zen azken setean, Erkiaga-Etcheto 4-3 markagailura hurbildu ziren, baina ezin izan zuten aldea irauli eta gorriz jantzita jokatu zuen bikoteak erdietsi zuen garaipena (5-3).