27 – Bidasoa-Irun: Ledo ( 14 paradas), Cavero (1 gol), Zabala (1), Esteban Salinas (2), Renaud (6), Rodrigo Salinas (3), Azkue (2, 1 p.) -siete inicial-, Rangel (ps), Aldaba (1), Odriozola (4), Serrano (1), Barthe (1), De la Salud (5, 2 p.) y Tesoriere.

21 – Bada Huesca: Gómez (1 parada), Carmona, Mota (3 goles), Carró, García (1), Marcelo (3), Bonanno (4) -siete inicial-, Arguillas (6 paradas), Val (2), Camas, Pérez (4), Ostojic (2), Félez (1), Zungri (1), Mira y Malo. 

Defentsa izan zen berriz ere norgehiagokaren gakoa. Hasieratik irten zen tinko Bidasoa atzealdean, horren adierazle, Bada Huescak markagailuan aurretik joan zen une bakarra 0-1eko izatea. Zazpigarren minutuan ordea erasokoak ere martxan jarri ziren. 3-3koarekin, Bidasoak 5-0eko partziala lortu zuen. 17.minutuan 8-3 aurretik zegoen Bidasoa eta 13 minutu golik sartu gabe egon zen Huescako taldea. Beste behin, Xoan Ledok izugarrizko norgehiagoka burutu zuen, lehen zatian 8 geldiketa egin zituen eta 14kin bukatu zuen partidua.

10 minutu geratzen ziren norgehiagoka atsedenaldira joateko eta minutu horietan, Bada Huesca talde egonkorra dela erakutsi zuen. Markagailuan hurbildu ziren eta atsedenaldia 11-9ko markagailuarekin iritsi zen. Bi goleko errenta zuen etxeko taldeak.

Nolaskoren mutilek bigarren zatia gogor ekin zioten eta gol batera hurbildu ziren, eta berdintzeko aukerak izan zituzten arren, ez zituzten gauzatu. Baina azkar batean, lehen zatiaren antzera Bidasoak 4-0eko partzial berri bat lortu zuen, Renaud eta De la Salud protagonista zirelarik (15.min 17-12).

Ordurako, Jon Azkuek norgehiagoka utzi behar izan zuen lesio baten ondorioz, baina taldeak ez zuen kapitainaren hutsa sumatu. 8 golen diferentzia lortu baitzuen talde horiak (21.min 23-15). Baina Bada Huescak ez zuen etsi eta 0-5 partzial baten bidez, enegarrenez markagailuan hurbildu ziren. Jacobo Cuetarak hutsartea eskatu zuen eta hiru minuturen faltan Leo Renaudk erantzukizuna hartu zuen eta gol baten bidez Huescakoen esperantza guztiak desegin zituen (27.min 24-20). Bigarren zatia bukatuta, 27-21 izan zen emaitza.

Beraz, garaipen garrantzitsua Asobal Kopari begira baina baita denboraldiko bigarren zatiari begira, izan ere, Bidasoak abenduan bederatzi norgehiagoka jokatu beharko ditu eta indarrak oso ongi neurtu beharko dituzte. Larunbatean beste norgehiagoka gogorra izango du Bidasoak, beti zaila den Guadalajarako kantxara bidaiatuko du.