Maiatzaren 31n ospatuko da neurketa Jaengo Olivo Arenan
Bidasoa Irunek ID Energy Caserio Ciudad Real taldearen kontra jokatuko du 2023/2024 Errege Kopako...
04 Eka, 2016
Lehia erabakigarrian Zamora izango du aurkari
BIDASOA: Dejanovic, Vazquez (1), Cristian (1), Beltza, Kauldi (1), Muiña (5), Azkue (5). Cavero, Crowley (4), Portero, Didac (1), Zubiria, Bezbradica, Mouriño, Davidovic (1).
CIUDAD REAL: Villamarin, Herrero (1), Espino, Fernández (8), Candeleda (1), Sánchez (2), Vázquez (1). Díaz, De la Cruz, Serrano, Blanco, Rodríguez, Negrete (1), Díaz-Peñalver, Granados, Lumbreras (1).
MARKAGAILUA: 1-1, 3-2, 5-4, 6-4, 7-5, 9-7 (atsedenaldia); 10-7, 11-9, 14-9, 16-10, 17-11, 19-15.
EPAILEAK: Iniesta Castillo eta Soria Fabián.
Asteburuko lehen urratsa eman du Bidasoa-Irunek. Alarcos Ciudad Real menderatu du finalerdian, eta norgehiagoka erabakigarria jokatuko du igandean (16:00). Denboraldiko partida onenetarikoa osatu du Fernando Bolearen taldeak defentsako lanean. Hamabost gol jaso ditu guztira, eta zazpi baino ez, bigarren zatian. Hasieratik erakutsi du Bidasoak gogor aritzeko asmoa. Gainera, Pedja Dejanovicek ekarpen handia egin du atea zaintzen. Beste aldean, Villamarinek ere bidasoarren lehen jaurtiketak gelditu ditu. Baina pixkanaka, baloia sarera bidaltzeko modua topatu dute etxekoek. Bitartean, defentsako mailari eutsi diote. Zalantza une bat izan da lehen zatiaren amaiera aldera, Ciudad Realek markagailua berdintzea lortu duenean (7-7). Crowleyk sartutako bi golek, ordea, atsedenaldiaren aurretik arnasa hartzeko balio izan dute.
Lehenengoa bezala hasi da bigarren zatia ere. Atezainek gelditu dituzte lehen jaurtiketak. 37.minutuan, Jon Vazquezek gol ederra sartu du, hegaletik pibotearen eremuraino hurbildu ondoren (11-7). Hurrengo erasoan, ordea, aurkari batekin izandako kolpe batean min hartu du. Taldekideen besoetan atera behar izan du kantxatik, eta ez da bueltatu. Sustoak eragina izan du, Ciudad Realek 11-9ra gerturatzea lortu baitu. Baina orduan iritsi da Bidasoaren bolada onena. Crowleyk 14-9koa sartu ondoren, Markelen eta Kauldiren artean baloia lapurtzea lortu dute, eta Artalekuk eztanda egin du. Azkuek eta Didacek sartu dituzte hurrengo golak, 16-9koarekin norgehiagoka erabakita uzteko. Dena den, Boleak hutsartea eskatu behar izan du 57.minutuan, irabazteko presa sartu baitzaio taldeari. Ondo kudeatu du azken txanpa, eta garaipenaz gozatzeko denbora ere izan da Artalekun. Beste finalerdiak, Zamorak irabazi dio Palma del Riori (17-22).
Maiatzaren 31n ospatuko da neurketa Jaengo Olivo Arenan
Bidasoa Irunek ID Energy Caserio Ciudad Real taldearen kontra jokatuko du 2023/2024 Errege Kopako...
Talde horiaren hamazazpigarren partehartzea izanen da EHF European Leaguen
Bidasoa Irunek pasa den asteburuan lortu zuen aurtengo denboraldiko helburu...
Emakumezkoen eskubaloia maila guztietan indartzeko erronka duela argitu du klubak
C.D. Bidasoak emakumezkoen eskubaloiarekin zuen zor historikoa...
Talde irundarrak 32-29 galdu zuen eta txapeldunordetza irabazteko lehen aukera galdu zuen
Bidasoak Bada Huescaren kontra galdu egin zuen pasa den...
Bidasoa Irunek bihar, maiatzaren 3an, bisitatuko du Huesca bere helburuak lortzeko neurketa garrantzitsu bat jokatzeko
Bidasoa Irunek Huesca...
34-23ko markagailua erdietsi zuen talde irundarrak Frigorificos del Morrazoren kontra atzo Artalekun
Bidasoa Irunek bertze bi puntu garrantzitsu...