Irisgarritasun neurriak betetzeko igogailua instalatzeko eta berdegunea berritzeko inbertsioak aurreikusi ditu
Maiatzeko udal osoko bilkuran...
26 Mar, 2022
Txuribeltzek 2-1eko markagailuarekin galdu zuten CD Badajoz taldearen aurrean
Real Unionek atzo jokatu zuen CD Badajozen aurka denboraldiko 29. jardunaldia. Lehen aldia zen irundarrentzat Extremaduran jokatzen, eta neurketa ongi hasi bazuten ere, ezin izan zuten markagailua bere alde mantendu eta azkenean, 2-1ekoarekin itzuli ziren etxera.
Partida hasi eta seigarren minutuan, Real Unionek izan zuen lehen abagunean, Sergio Llamasek asmatu eta baloia sare barrura bidali zuen. Irundarrei kosta egiten zaie normalean neurketan sartzea, baina oraingo honetan dena beraien alde jarri zen. 0-1ekoa ezarriz, Irazustaren txanda izan zen hurrengo minutuetan. Etxeko taldeak izan zituen bi aukeretan, atezain txuribeltzak bere lana egin eta bi aukerak ezerezean utzi zituen. Hala ere, Badajozek ez zuen amore eman eta 34. minutuan berdinketa lortu zuen. Ez bakarrik hori, atsedenaldia iristeko bi minutu falta zirenean, Santamariak buruz jaurti eta gola eskuratu zuen.
Bigarren zatia beraz, 2-1ekoarekin hasi zen etxeko taldearen alde. Txuribeltzak azken 45 minutuetan baloiaren jaun eta jabe izan ziren, baina ez zuten abagune garbirik izan markagailua berdindu edo iraultzeko. Aukerarik onena 69. minutuan izan zuen Seguinek, baina ezin izan zuen errematatu. Badajozek ere hirugarren gola sartzeko puntuan izan zen, jardunaldia amaitzeko bost minuturen faltan, baina jaurtiketa ez zen ona izan. Horrela, puntuak Extremaduran gelditu ziren, 2-1eko markagailua bere alde erdietsi ondoren.
(Argazkia: CD Badajoz)
Irisgarritasun neurriak betetzeko igogailua instalatzeko eta berdegunea berritzeko inbertsioak aurreikusi ditu
Maiatzeko udal osoko bilkuran...
4 eta 14 urte bitarteko haurrek hartzen ahalko dute parte ekainaren 24tik 27ra eginen den topaketan
Osasunak udako futbol campusa antolatu du Donezteben,...
Real Unionek denboraldiko azken aurreko partidua jokatuko du bihar, azkena etxean, Fuenlabradaren kontra
Real Unionek denboraldiko azken aurreko partidua...
Talde txuribeltzak bere alde zuen markagailua, baina Beasain Bk neurketa berdintzea lortu zuen azken minutuetan
Real Unión Roca:...