BAT-EKO ATLETEK LAN ONA EGIN ZUTEN GIPUZKOAKO TXAPELKETAN

Iker Arozenak, Ioritz Labandibarrek, Luken Aizpuruak, Juan Errandoneak eta Eunate Martinezek urrezko domina eskuratu zuten euren probetan

Bidasoa Atletiko Taldeko atletek Gipuzkoako Txapelketan parte hartu zuten asteburuan ere. Partehartze handia izan zuen klubak eta, honez gain, emaitza onak eskuratu zituzten kirolariek, euren forma ezinhobea dela erakutsita.

Podiumeko kosketara igo ziren Bidasoa Atletiko Taldeko zenbait kirolari eta horien artean, mailarik altuenera igo zen atleta Iker Arozena izan zen. Bere modalitatea ez bada ere, Gipuzkoako txapeldun bilakatu zen larunbatean 60 metroko lasterketan, 6,90 segunduko denbora eginez eta bere marka pertsonala eta klubeko errekorra ere berdinduz. Ioritz Labandibarrek ere urrezko domina eskuratu zuen 400 metroko lasterketan, 50,96ko denborarekin. Jauzi horizontaletan, Luken Aizpuruak eta Juan Errandoneak irabazi zuten urrezko domina. Aizpuruak 12,66 metroko salto hirukoitza egin zuen, bere marka pertsonal onena, eta Errandoneak 7,03 metroko jauzia. Azkenik, Eunate Martinez ere Gipuzkoako Txapeldun izan zen 1,66 metroko saltoarekin.

Zilarrezko dominak ere ekarri zituzten etxera BATeko atletek. Hain zuzen ere, Laia Olascoagak bigarren postua eskuratu zuen 60 metroko lasterketan 7,86 segunduko marka egin ondotik. Beñat Miquelarena ere txapeldunorde izan zen 200 metroko proban, klubaren errekorra lortuz ere, 21,89 segundurekin. Ana Gomez ere bigarren izan zen, 25,94 segundurekin proba bera osatuz. Hesietan, Malen Martinez izan zen bigarren sailkatu zena, 8,87 segundutan 60 metro osatu eta gero. Ione Etxeberriak ere zilarrezko domina eskuratu zuen 1500 metrotan, 5:36,37 minutuko denbora eginez. Pertigan, Goiatz Etxeberria eta Mario Estanga igo ziren podiumeko bigarren koskara. Lehenak 3,30 metro egin zituen eta bigarrenak, 4,50 metro. Azkenik, Goizane Garcia txapeldunorde izan zen pisu-jaurtiketan, 10,84 metro eginez.

Azkenik, hirugarren postuan Ana Gomez sailkatu zen, 60 metroko proban 7,94 segundu egin ondotik. Alazne Garrido ere hirugarren izan zen 200 metroko lasterketan (26,30) eta Alaine Aguerralde 400 metrokoan (59,72). 800 metroko lasterketan, Ander Anglada igo zen podiumeko hirugarren koskara (1:52,88), baita Izaskun Sanz ere (2:20,30). Altuera jauzian berriz, Naia Llorente izan zen brontzezko domina eskuratu zuena, 1,51 metroko jauziarekin.

Gasteizen marken krontola ospatu zen

Asteburu berean ere, Gasteizen, marken krontola ospatu zen eta bertan, estatuko bi minima lortu zituzten BATeko atletek. Alde batetik, Jon Gajatek 9,12 segundutan osatu zuen 60 metroko hesi-proba eta horrela, 16 urtez azpiko estatu mailako minimoa eskuratu zuen. Bertze aldetik, Joaquin Alonsok, 20 urtez azpiko metro bateko hesi-proba 8,23 segundutan bukatu zuen eta berak ere, minimoa eskuratu zuen.

ARANTXA AUSAN EUROPAKO TXAPELDUN W50-KO 60 METROKO HESI LASTERKETAN

Abel Castañaresek zilarrezko domina eskuratu zuen M65 kategoriako 8 kilometroko krosean

Europako Master Txapelketa ospatu zen pasa den astean,...

ALEJANDRO ESTEBAN ETA UNAX ERASO LAUGARREN ETA HAMARGARREN ESPAINIAKO JAURTIKETA LUZEKO TXAPELKETAN

Estebanek xabalina-jaurtiketan lortu zuen laugarren postua eta Erasok hamargarren mailu-jaurtiketan

Espainiako Neguko Jaurtiketa Luzeko Txapelketa...

AIMAR OTXOTEKOK IRABAZI DU LESAKAKO V MENDI LASTERKETA

Lesakarrak 2019ko lehen edizioko errekorra hautsi zuen, ordubete eta hamar minutuan osatuz 14 kilometroko ibilbidea

Aimar Otxoteko Larrarte...

CARLA MARTINEZEK ETA LAIA OLASCOAGAK URREZKO ETA BRONTZEZKO DOMINAK ESKURATU DITUZTE ESPAINIAKO 20 URTEZ AZPIKO TXAPELKETAN

Horiez gain, BATeko bertze zazpi atletek hartu dute parte Espainiako Txapelketan

Bidasoa Atletiko Taldeak parte hartze handia izan du...

BIDASOA ATLETIKO TALDEKO MASTERRAK URREZKO LAU DOMINA ESKURATU DITUZTE ESPAINIAKO TXAPELKETAN

Hauez gain, 16 urtez azpiko hiru atleta aritu dira txapelketa berean lehian estreinakoz

Donostian ospatu zen Espainiako Pista Estaliko Master...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika