07 Ots, 2024
23 urtez azpiko Espainiako txapelketa ospatu zen asteburuan eta BATeko atletek laugarren postu bat eta bertze bi bostgarren postu lortu zituzten
Bidasoa Atletiko Taldekoak 23 urtez azpiko pista estaliko Espainiako Txapelketan aritu dira lehian asteburuan. Bertan, Irune Muguruzak lortu du emaitzarik onena, laugarren postuan sailkatu baitzen 400 metroko lasterketan. Horrez gain, Aitor Fernandezek eta Victoria Brisok bostgarren postua eskuratu zuten proba konbinatuetan.
Irune Muguruzak lortu zuen BATeko emaitzarik onena. 400 metroko lasterketan parte hartu zuen Muguruzak. Finalerdian garaile izan zen (55,83 segundu) eta ez hori bakarrik, bere marka pertsonala gainditu zuen, klubarren errekorra eskuratu zuen eta Gipuzkoako errekorr absolutua lortzetik bi zentesimara gelditu zen. Finalean 56,04ko denbora egin zuen eta laugarren postua eskuratu zuen.
Aitor Fernandezek proba konbinatuetan parte hartu zuen eta bostgarren izan zen, galiziarren artean hirugarren. Guztira 5099 puntu eskuratu zituen, azken marka baino 300 puntu gehiago. Gainera, klubaren errekorra egin zuen. Hauek izan ziren emaitza guztiak: 60m, 7,22 segundu; 60m hesi lasterketa, 8,66 segundu; luzera jauzia, 6,54m, altuera jauzia, 1,83 m; pisu jaurtiketa, 11,06m; pertiga, 4,60m; 1000m, 2:49,52 minutu.
Victoria Briso ere proba konbinatuetan lehiatu zen eta bostgarren postuan sailkatu zen baita ere. Guztira, 3706 puntu batu zituen atletak, emaitza hauekin: 60m hesi lasterketa, 8,95 segundu; luzera jauzia, 5,50m; altuera jauzia, 1,63m; pisu jaurtiketa, 11,63m; 800m, 2:31,23 minutu.
Marta Blancok bi probetan hartu zuen parte, pisu jaurtiketan eta proba konbinatuan. Lehen proban zazpigarren postua eskuratu zuen, 10,91 metroko jaurtiketarekin, eta bigarrenean, bederatzigarren postuan sailkatu zen, 3150 puntu batuta guztira. Azkenik, Sofia Rchik hamalaugarren postua eskuratu zuen jauzi hirukoitzean. Bere jauzirik onena 11,39 metrokoa izan zen.
Ibilbide laua eta oztoporik gabekoa denez, marka egiteko aproposa izanen dela iragarri dute antolatzaileek
Lasterketaren aurkezpena egin zuten orain dela...
Gizonezkoek urrezko sei domina eta emakumeek bertze bi eskuratu zituzten, bertze hainbat dominekin batera
Euskadiko Klub arteko txapelketa ospatu...
Espainiako Unibertsitate mailako 400 metroko hesi-lasterketan lortu zuen garaipena
Espainiako Atletismoko Unibertsitate mailako Txapelketa ospatu...
Iruñean jokatu zen Ligako lehen jardunaldia eta BATeko emakumeak hirugarren postuan sailkatu ziren, Playas de Castellon eta Pamplona Atletismoren...