06 Ira, 2023
Denboraldiko lehen neurketan puntu bat batu zuten baztandarrek, gehiago izaten ahal zirenaren sentsazioarekin
Baztan KE-k denboraldiko lehen jardunaldia jokatu zuen pasa den asteburuan etxean, Giltxaurdin. Corellano taldea izan zuen aitzinean eta neurketa gorabeheratsu baten ondotik, puntuak banatuta bukatu zuten partidua, binako markagailuarekin.
Pozik, baina garaipenak ihes egin zienaren sentsazioarekin bukatu zuten Baztango jokalariek denboraldiko lehen neurketa. Corellano talde indartsua jaso zuten etxean eta berdinketa lortzea ona dela aipatu du Iban Romo entrenatzaileak. Hala ere, aitzinetik egon ziren partiduaren azken minutuetan eta ia lehen jardunaldiko hiru puntuak Baztanen gelditu ziren. Horregatik, zapore gazi-gozoa gelditu zaio taldeari.
Edonola ere, denboraldi guztia dute aitzinetik eta Baztango jokalariak dagoeneko heldu den asteburuko partiduan pentsatzen ari dira buru-belarri. Hain zuzen ere, Aoiz bisitatuko dute larunbat honetan (irailaren 9an), 18:30ean. Aurkari honek 3-1eko emaitzarekin porrota jaso zuen pasa den astean Ondalan taldearen kontrako neurketan.
Iban Romo Baztan taldeko entrenatzaileak lehen jardunaldiko balorazioa egin digu.
(Argazkia: CD Corellano)
Doladok azken minutuan sartutako penaltiari esker berdindu zuen talde txuribeltzak
Real Unión Roca: Rodríguez; Poirier (Dolado, min. 70),...
Benitok sartu zuen bigarren zatian talde txuribeltzaren gola, baina ez zen nahikoa izan Svenssonek sartutako biak berdintzeko
Real Unionek 2-1 galdu...
Real Unionek Osasuna Promesas bisitatuko du bihar Taxoaren
Real Unionek garaipena eskuratzeko bertze aukera bat izanen du bihar, apirilaren 27an,...
Letamendiak penaltiz sartutako golari esker jardunaldiko hiru puntuak etxean gelditu ziren
Real Unión Roca: Rodríguez; Arteaga (Fernández,...