Unai Gordok bere atean sartutako gol baten ondorioz, Mutrikuk eraman zuen garaipena
Mutriku FT: Arambarri; Etxebarria, Blanco...
10 Mai, 2021
1.Erregional mailan aritzen den Mariño izan zen asteburuko garaile bakarra. Ugalde-Ventaseko berdegunean 5-0 jipoitu zuen Orereta Kafea taldea.
Emakumezkoen Ohorezko Erregional maila.
Emakumezkoen Ohorezko Erregional mailan, Behe Bidasoa Eskualdeko bi taldeak elkarren aurka jokatu zuten, Beti Gaztek eta Mariñok. Neurketa bana bukatu zen eta puntu bana erdietsi zuten bi taldeek. Beti Gazte hasi zen neurketan agintzen, falta bidez egin zuen 1-1ekoa, baina azkar batean eta zortea alde, Mariñok azkeneko 1-1ekoa egin zuen.
Sailkapenari erreparatzen badiogu, 12 puntu eskuratu dituelarik Mariño hirugarren postuan dago kokatuta eta 9 punturekin Beti Gazte bosgarren sailkatua da.
Gizonezkoen Ohorezko Erregional maila.
Real Unionen harrobiko taldeak ez du Gipuzkoako Kopa jokatuko, baina Lesakako Beti Gaztek Hirugarren mailara igotzeko faseari asteburuan ekin dio. Ekin bai, baina ez modurik onenean; izan ere, finalerdietako joaneko partiduan, Aretxabaletak 2-0 mendean hartu zuen Beti Gazte. Datorren astean itzuliko neurketa jokatuko dute Lesakan eta behintzat, bi gol egin beharko ditu Beti Gaztek neurketa luzapenera bidali nahi badu. Finalera sailkatzeko, hiru gol egin beharko ditu talde lesakarrak. Zaila da, baina aurtengo denboraldian gol kopuru handiak sartzeko kapaza dela erakutsi du Beti Gaztek.
1. Erregional maila.
Gizonezkoen 1.Erregional mailan, Behe Bidasoa eskualdeko lau taldeetatik hiruk porrota jasan zuten. Garaipena erdietsi zuen bakarra Mariño izan zen, eta nola gainera. Irundarrek 5-0 jipoitu zuten Orereta Kafea taldea eta sailkapeneko hirugarren postuan sendo segitzen dute (18 puntu).
Porroten aldetik, Dunboa Eguzkik 2-4 galdu zuen Astigarragako Mundarroren aurka, Trintxerpek 3-2 mendean hartu zuen Behobia eta Touring eta Landetxaren artekoa 3-0rekin bukatu zen Orerretarren alde.
Sailkapenean, Dunboa Eguzki seigarrena da (8 puntu), Landetxa zazpigarrena (7 puntu) eta Behobia azkenaurrekoa (5 puntu).
Unai Gordok bere atean sartutako gol baten ondorioz, Mutrikuk eraman zuen garaipena
Mutriku FT: Arambarri; Etxebarria, Blanco...
Talde txuribeltzak Fuenlabrada garaitu zuen (2-1) luzapenean Bazek sartutako gol bati esker
Real Unionek denboraldiko azken aurreko jardunaldia...
Irisgarritasun neurriak betetzeko igogailua instalatzeko eta berdegunea berritzeko inbertsioak aurreikusi ditu
Maiatzeko udal osoko bilkuran...
4 eta 14 urte bitarteko haurrek hartzen ahalko dute parte ekainaren 24tik 27ra eginen den topaketan
Osasunak udako futbol campusa antolatu du Donezteben,...
Real Unionek denboraldiko azken aurreko partidua jokatuko du bihar, azkena etxean, Fuenlabradaren kontra
Real Unionek denboraldiko azken aurreko partidua...