19 Api, 2021
Gizonezkoen Ohorezko Erregional Maila
Esku hutsik bueltatu zen Real Unionen harrobiko taldea Añorgako Rezola futbol zelaitik. Bigarren zatian hiru gol jaso zituen Kepa Esnaolak zuzentzen duen taldeak eta porrot berri bat batu zuen. Mailaz igotzeko zituen aukerak, Añorgak 3-0 irabazi ostean, agortu zaizkio Real Union B-ri; beraz, kontsolamenduko bigarren fasea jokatuko du bi aste barru. Lehen bi golak bi minuturen buruan egin zituen Añorgak (Manterolak 51.minutuan eta Urangak 53.minutuan). Hirugarrena, aldiz, zelaian sartu berria zen Azpirotzek egin zuen (71.minutuan). Datorren astean, Allerru aurkari zuzena jasoko du talde irundarrak Ugalde-Ventaseko zelaian, lehen faseko azken jardunaldia izango da.
Bestetik, Beti Gazte liderrak denboraldi honetako lehen porrota jasan zuen. Oreretan Touringen aurka lehiatu zen eta lesakarrek 3-2 galdu zuten norgehiagoka. Real Unionekin alderatuta, Beti Gaztek bai igoerako faseko ligaxka horretan izango da. Denboraldi bikaina egiten ari dira lesakarrak.
Emakumezkoen Ohorezko Erregional Maila
Bi asteren ostean eta Aste Santuko oporrak igarota, Mariñok Emakumezkoen Ohorezko Erregional Mailari dagokion jardunaldi berria jokatu zuen. Ugalde-Ventas futbol zelaian aritzen den taldeak, azken asteetan, behera egin zuen sailkapenean eta horri buelta emateko helburuarekin lehiatu ziren bart arratsaldean. Hernani taldea 3-0, nagusitasunarekin, garaitu zuen Mariñok eta hiru puntu berri horiekin, sailkapeneko laugarren postura igo da.
Bestetik, Lesakako Beti Gaztek ere bere neurketa jokatu zuen. Kasu honetan, Añorga liderra izan zuten aurrean eta nahiz eta etxean jokatu, Añorgak bere maisutasuna erakutsi zuen berdegunean 2-0 irabazteko.
Preferenteko lehen maila
Gizonezkoen lehen maila erregionalean ere neurketak jokatu ziren. Horietako bat Irungo auzoen arteko derbia izan zen. Behobia eta Landetxaren aritu ziren nor baino nor gehiago eta Artia auzokoak 2-1 gailendu ziren Landetxari. Dunboa-Eguzkik ere hiru puntu batu zituen, 3-2 irabazi zion San Jose Obrero zelaian Allerruri eta Mariñori dagokionez, 2-0 mendean hartu zuen Trintxerpe.
Doladok azken minutuan sartutako penaltiari esker berdindu zuen talde txuribeltzak
Real Unión Roca: Rodríguez; Poirier (Dolado, min. 70),...
Benitok sartu zuen bigarren zatian talde txuribeltzaren gola, baina ez zen nahikoa izan Svenssonek sartutako biak berdintzeko
Real Unionek 2-1 galdu...
Real Unionek Osasuna Promesas bisitatuko du bihar Taxoaren
Real Unionek garaipena eskuratzeko bertze aukera bat izanen du bihar, apirilaren 27an,...
Letamendiak penaltiz sartutako golari esker jardunaldiko hiru puntuak etxean gelditu ziren
Real Unión Roca: Rodríguez; Arteaga (Fernández,...