15 Mai, 2016
REAL UNION: Tena, Urkizu, Azkoiti, Aimar (Esnaola, 58'), Morcillo, Rodellar, Mikel Alonso (Iriondo, 73'), Mujika, Juan, Eizmendi (Romo, 58'), Barrón.
LEIOA: ángel Díez, Aldalur, Bonilla, Goikoetxea, Picón, Capo, Pevida (Gomez, 79'), Cordoba, Rahmani (Etxaniz, 87'), Sota, Polanco (Castro, 88').
GOLA: 0-1: Cordoba (52').
EPAILEA: Varón Aceitón. Txartel horiak: Rodellar (Real Union); Aldalur, Picón, Rahmani (Leioa).
Duela bi hilabete pentsaezina zirudiena gertatu zaio Real Unioni. 22 jardunaliz igoera fasean egon ondoren, saririk gabe gelditu da. Azken aurreko jardunaldian gelditu zen play-off postuetatik kanpo. Ondorioz, azken jardunaldian arerioen emaitzen mende egon da. Nolanahi ere, Stadium Galeko partida irabazteko ere ez da gai izan. Leioa aurkariak mailari eustea zuen jokoan, eta talde lehiakorra dela erakutsi du Irunen. Hala ere, euren burua izan da txuribeltzen arazorik handiena. Gainbehera larrian iritsi dira azken jardunaldira. Denboraldiko unerik okerrenean.
Lehen zati duina egin du Unionek. Nagusi izan da berdegunean, eta gol aukerak sortu ditu. Mikel Alonsok izan du onena, Mujikaren pasea jaso ondoren. Jaurtiketa ahula egin du, ordea, atezainaren eskuetara. Leioak defentsako lan ona egin du, eta kontraerasoan irteteko ahaleginean aritu da. Atsedealdiaren aurretik, hasierako bizitasuna galdu du talde irundarrak. Eta aldagelatik bueltan, gero eta okerrago aritu da. Nekea, lesioen ondorioak, konfiantza falta eta antsietatea, denak izan ditu kontra Real Unionek. 52.minutuan, Cordobak gol bakarra sartu du, buruz, falta baten ondoren. Abantailak indarra eman die bizkaitarrei, eta txuribeltzak, aldiz, ezinean aritu dira.
Azkenean, Socuéllamosek eta Toledok ere euren partidak irabazi dituzte. Hortaz, amaitu da denboraldia Real Unionentzat. Neurketaren amaieran, Eneko Romo jokalari beteranoak senideen, lagunen eta taldekideen omenaldia jaso du. Nafarraren azken partida izan da, futbola utziko baitu.
Hernaniren kontra 3-1 irabazi zuen Carlos Garciaren taldeak, azken hiru puntuak poltsikoratuz
Real Unión Roca: Rodríguez; Cabo, Pinillos,...
Deportivoren kontra 3-1 galdu bazuen ere, bertze taldeen emaitzek ahalbidetu dute talde txuribeltzak maila mantentzea
Real Unionek denboraldiko...
Real Unionek Deportivo de la Coruña liderraren kontrako partiduarekin bukatuko du denboraldia
Lehen RFEF mailako taldeek ere asteburu honetan...
Unai Gordok bere atean sartutako gol baten ondorioz, Mutrikuk eraman zuen garaipena
Mutriku FT: Arambarri; Etxebarria, Blanco...
Talde txuribeltzak Fuenlabrada garaitu zuen (2-1) luzapenean Bazek sartutako gol bati esker
Real Unionek denboraldiko azken aurreko jardunaldia...