Ekainaren 24an eginen da Stadium Galen eta etxeko taldeak CD Roca izenarekin eta urdinez jokatuko du

Real Uniongo Beteranoek VI. Irun Hiria Txapelketa antolatu dute ekainaren 24rako. Stadium Galen jokatuko da eta etxeko taldeaz gain, UD Aretxabaleta eta RS Gimnástica taldeek ere parte hartuko dute. Gainera, CD Roca historikoaren mendeurrena ospatzeko, irundarrak urdinez jantziko dira eta izen hori erabiliko dute zelaira ateratzeko.

Goizeko 10:45ean hasiko dira partiduak eta orduan, etxekoak arituko dira UD Aretxabaletaren kontra. 11:30ean berriz, Aretxabaletak RS Gimnástica izanen du aitzinean eta bukatzeko, azken hau eta CD Roca arituko dira aurrez aurre, 12:15ean. Jardunaldiari bukaera emateko, 13:00etan, sari banaketa eginen da.

Hau guztiaz gain, zozketa bat ere eginen da. Horretarako, boletoak salgai jarriko dira euro batean eta bildutako diru guztia helburu solidario batekin erabiliko da.