Cuencak 29-26ko markagailuarekin irabaztea irabazi zion talde horiari, Plenitude ASOBAL Ligan segitzeko helburua lortuz
Bidasoa Irunek galdu egin...
09 Aza, 2021
Geldialdia eta gero, irundarrak etxean neurtuko dira Incarlopsa Cuenca taldearen kontra, asteazkenean 20:30ean
Denboraldiko lehen zatia bukatuta eta geldialdia eginda, Bidasoa berriz martxan jarriko da Incarlopsa Cuenca taldearen aurka izango duen hitzorduarekin. Neurketa Artalekun jokatuko da, bihar azaroaren 10ean, arratsaldeko 20:30ean. Jacobo Cuetarak gaurko prentsaurrekoan aipatu duen moduan, “atsedenaldia beti ona da indarberritzeko. Emaitza onak lortu ditugu orain arte eta gogotsu gaude erritmo honekin jarraitzeko”.
Cuenca taldea etsai zaila izango dela ere onartu du entrenatzaileak: “Arerio gogorra da. Bai bakarkako erasoan eta baita defentsan ere oso sendoak dira. Elkartasun handia duen taldea da eta oso lehiakorra”. Hala ere, esan daiteke Bidasoa abantailarekin aterako dela jokalekura, izan ere, Cuetarak esan duenez, “taldeak garapena izan du orain arte, hobetzen joan da eta sailkapeneko bigarren postuan gaude. Partidu asko jokatu ditugu jada etxetik kanpo eta ongi kokatuta dauden beste talde askoren kontra, eta hori abantaila da guretzat”.
Biharko neurketan Tao Gey baja izango dela ere azaldu du Jacobok: “Bizkarra mindua du Puente Genileko partidutik, eta printzipioz bihar ez da arituko. Ikusiko dugu ea gaur entrenamenduekin has daitekeen”.
Odriozola eta Sierraren berrien inguruan
Jacobo Cuetara Kauldi Odriozola eta Jose Manuel Sierraren agurraz ere mintzatu da: “Lantalde oso ona gara, profesionalki eta pertsonalki, eta pena da, baina zentzuzko agurrak dira”. Sierraren erretiroaren inguruan, Cuetarak esan du beraientzat “ohore handia” dela Bidasoa aukeratu izana eskubaloia uzteko, eta gaineratu du “errendimendu oso ona” izaten ari dela eta agur esateko “urte polit bat” izan daitekeela.
Kauldiren talde aldaketaz ere harro dagoela onartu du: “Klubean sartu zenean, horrelako jokalari baten formakuntzan parte hartzea niretzat ardura handia zela esan nuen. Oso harro nago lortu duenarekin eta tamaina honetako eskaintza bat jaso duelako”. Aurretik ere, eskaintza asko egin dizkiotela aipatu du entrenatzaileak: “Aintzat hartu behar dugu beste guztietan gurekin geratzea eta gurekin disfrutatzea erabaki duela”. Baina oraingo honetan, hain eskaintza handia izanda, Cuetarari ere zilegizkoa iruditzen zaio hau aprobetxatzea: “Taldea hobetzen doan heinean, jokalariak ere hobetzen doaz eta normala da eskaintza onak jasotzea. Honek esan nahi du lana ondo egiten ari garela”.
Cuencak 29-26ko markagailuarekin irabaztea irabazi zion talde horiari, Plenitude ASOBAL Ligan segitzeko helburua lortuz
Bidasoa Irunek galdu egin...
Kadete mailako gizonezkoak Kantabrian egonen dira asteburuan B multzoan Sektore Fasea jokatzen
Zaisa Bidasoa Irun, Bidasoako kadete mailako gizonezkoak,...
Bidasoa Irunek Plenitude ASOBAL Ligako azken jardunaldia jokatuko du, Cuencaren kontra eta matematikoki txapeldunordetza lortuta
Plenitude ASOBAL...
Puerto Saguntoren kontra irabazita, talde irundarrak matematikoki lortu du bigarren postuan sailkatzea, baita Europako txapelketarako sarbidea...
Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
Bidasoak Puerto Sagunto jasoko du larunbatean (maiatzaren 18an) Artalekun, etxean jokatuko duen azken partiduan
Bidasoa Irunek Plenitude ASOBAL...