Erromoko Eskubaloiaren kontra aritu ziren finalean eta 20-41ko markagailuan gainditu zituzten ermuarrak

Bidasoa Irunek Euskal Kopako finalean gainditu du Erromoko Eskubaloia taldea. Hasieratik menderatu zuen aurkaria Ermuan eta azkenik, 20-41ko markagailuarekin finala bereganatu zuten horiek. Horrela, Bidasoak bederatzigarrenez segidan izan da Euskal Kopako irabazlea.

Lehen minutuetan Erromoko Eskubaloiak markagailua bereganatzea lortu zuen (2-1), nahiz eta hortik aitzinera Bidasoa nagusitzen hasi zen eta tarteak irekitzen, emaitza bere alde jartzeko bukaera bitarte. Iribarrek segidan sartutako hiru golei esker, hamar tantoko aldea ireki zuten markagailuan bidasotarrek (10-20). Edonola ere, atsedenaldira zortzi goleko aldearekin joan ziren bi taldeak, 13-21ekoarekin. Bigarren zatian aldiz, indartsu atera zen talde irundarra kantxara eta 0-10eko partzialarekin, erabakia utzi zuen finala. Azkenik, 20-41eko markagailuarekin bukatu zen norgehiagoka, eta horren ondorioz, Bidasoak bederatzigarrenez segidan Euskal Kopa lortu du.

Denboraldiko bertze helburuetako bat lortuta, ortzirale honetan (apirilaren 26an) Plenitude ASOBAL Ligako neurketari aitzin egin beharko dio. Bihar beraz, Artalekun, Frigorificos del Morrazo taldea jasoko du 20:00etan. Denboraldi honetan etxean jokatuko den azken-aurreko partidua izanen da eta zaleei babesa eskatu diete azpitxapeldunaren helburua lortzeko.