Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
08 Mai, 2024
Talde horiaren hamazazpigarren partehartzea izanen da EHF European Leaguen
Bidasoa Irunek pasa den asteburuan lortu zuen aurtengo denboraldiko helburu nagusietako bat, hain zuzen ere, 2024/25 ikasturtean Europako txapelketa jokatzea. Azken jardunaldian emandako emaitzak kontuan hartuta, talde horiak ziurtatu du Europako ibilbideari berrekinen diola, Plenitude ASOBAL Liga bukatzeko bi partida gelditzen direness jokatzeko. Horrela, heldu den denboraldiko EHF European Leagueko partehartzea hamazazpigarrena izanen da bidasotarrentzat.
Bidasoak, Plenitude ASOBAL Ligako sailkapenean, lau puntu ateratzen dizkio BM Logroño La Rioja laugarren sailkatuari. Matematikoki, errioxarrek ezin dute talde horia gainditu eta beraz, irundarrek, bigarren postuan kokatuak daudenak gaur, hirugarren postua ziurtatu dute. Horrez gain, heldu den maiatzaren 18an (18:00) Fertiberia Puerto Sagunto gaindituz gero, txapeldunordea izanen litzateke.
Denboraldi bikaina egin ondotik, Bidasoa Europara bueltatuko da 2024/25ko ikasturtean. Formatu berrian estreinakoz arituko da talde horia. Lau taldez osatutako zortzi multzo izanen da hasieratik eta sei jardunaldi jokatuko dira. Multzo bakoitzeko bi onenek lortuko dute hurrengo fasera pasatzea.
Talde horiak Europan jokatu zuen azken neurketa 2023ko martxoaren 28an izan zen, Sporting CP taldearen kontra. Bertan, kanporatua izan zen, final-zortzirenetan. Hiru tantoko abantailarekin joan ziren irundarrak Lisboara, baina euren etxean ez zen gai izan kanporaketa gainditzeko (34-28). Denboraldi hartan, irundarren taldea honako hauek osatzen zuten: Aguas Santas Milaneza, HC Eurofarm Pelister, Skanderborg-Aarhus, Motor HC eta Füchse Berlin, edizioko txapelduna izan zena.
CD Bidasoak Europako txapelketara bueltatzearen garrantzia eta harrotasuna azpimarratu nahi ditu eta mugarri hau txapeldunordetzarekin borobildu nahi du. Horretarako, Bidasoa Irungo bazkideak eta zaleak Artalekura joatera animatu nahi ditu klubak, maiatzaren 18an (larunbata, 18:00etan) denboraldiko azken partidaz gozatzera. Sarrerak esteka honetan eskuratu daitezke: https://p.berrly.com/cdbidasoa/events/14000/map.
Jardunaldiak maiatzaren 21ean, 23an, 28an eta 30ean ospatuko dira Artalekun
CD Bidasoak ate irekiko saioak eginen ditu 2011 eta 2012 urte artean jaiotako...
Bidasoak Puerto Sagunto jasoko du larunbatean (maiatzaren 18an) Artalekun, etxean jokatuko duen azken partiduan
Bidasoa Irunek Plenitude ASOBAL...
Maiatzaren 31n ospatuko da neurketa Jaengo Olivo Arenan
Bidasoa Irunek ID Energy Caserio Ciudad Real taldearen kontra jokatuko du 2023/2024 Errege Kopako...
Talde horiaren hamazazpigarren partehartzea izanen da EHF European Leaguen
Bidasoa Irunek pasa den asteburuan lortu zuen aurtengo denboraldiko helburu...
Emakumezkoen eskubaloia maila guztietan indartzeko erronka duela argitu du klubak
C.D. Bidasoak emakumezkoen eskubaloiarekin zuen zor historikoa...
Talde irundarrak 32-29 galdu zuen eta txapeldunordetza irabazteko lehen aukera galdu zuen
Bidasoak Bada Huescaren kontra galdu egin zuen pasa den...