Talde horiaren hamazazpigarren partehartzea izanen da EHF European Leaguen
Bidasoa Irunek pasa den asteburuan lortu zuen aurtengo denboraldiko helburu...
30 Urt, 2023
Ortziralean eta larunbatean ospatu zuten Tolosako Txapelketa eta Bidasoak jokatutako bi partidak irabazi zituen
Bidasoa Tolosako Txapelketan garaile suertatu da asteburuan. Pasa den ortziralean, finalerdia irabazi zuen, 32-22ko markagailuarekin Guadalajara garaituta. Larunbatean berriz, Billeren kontra jokatu zuen finala, eta horien aitzinean ere 29-32ko emaitza lortu zuen. Horrela, Plenitude ASOBAL Ligako bigarren itzulia hasi aurretik, Jacobo Cuetararen mutilek maila erakutsi dute prestaketarako erabili duten txapelketan.
Guadalajara, Logroño La Rioja, Billere eta Bidasoa aritu ziren Tolosa Klubeko mendeurrena ospatzeko antolatu zen txapelketan. Ortziralean jokatu ziren lehen partidak eta bertan, Jacobo Cuetararen mutilek Guadalajara izan zuten aurkari. Neurketa guztian zehar, talde irundarra izan zen nagusi eta azkenik, hamar goleko aldearekin irabaztea lortu zuen Bidasoak, 32-22ko markagailuarekin.
Horrela, larunbatean, bidasotarrek Billeren kontra jokatu zuten txapelketako finala. Partidu hau zailagoa izan zen Jacobo Cuetararen taldearentzat. Lehen zatian aurkariak jarri ziren aurretik eta atsedenaldira 17-13ko markagailuarekin iritsi ziren. Bigarren zatian berriz, erritmoa hartzen hasi zen Bidasoa eta 40. minutuan aurretik jarri zen lehen aldiz, 20-21ekoarekin. Hortik aitzinera, partiduaren gidaritza talde irundarrak eraman zuen eta azkenik, garaipena eskuratu zuen 29-32ko emaitzarekin.
Tolosako txapelketan garaipena eskuratzeaz gain, Jon Azkuek txapelketako jokalari onenaren saria irabazi zuen, eta Joshua Omojolak eta Xabier Landak ere garaikurrak jaso zituzten. Emaitza hauekin Bidasoa prest dago Plenitude ASOBAL Ligako bigarren itzuliari hasiera emateko. Hain zuzen ere, ortzirale honetan (otsailak 3) jokatuko du lehen neurketa, Artalekun, Benidormen kontra.
Talde horiaren hamazazpigarren partehartzea izanen da EHF European Leaguen
Bidasoa Irunek pasa den asteburuan lortu zuen aurtengo denboraldiko helburu...
Emakumezkoen eskubaloia maila guztietan indartzeko erronka duela argitu du klubak
C.D. Bidasoak emakumezkoen eskubaloiarekin zuen zor historikoa...
Talde irundarrak 32-29 galdu zuen eta txapeldunordetza irabazteko lehen aukera galdu zuen
Bidasoak Bada Huescaren kontra galdu egin zuen pasa den...
Bidasoa Irunek bihar, maiatzaren 3an, bisitatuko du Huesca bere helburuak lortzeko neurketa garrantzitsu bat jokatzeko
Bidasoa Irunek Huesca...
34-23ko markagailua erdietsi zuen talde irundarrak Frigorificos del Morrazoren kontra atzo Artalekun
Bidasoa Irunek bertze bi puntu garrantzitsu...
Erromoko Eskubaloiaren kontra aritu ziren finalean eta 20-41ko markagailuan gainditu zituzten ermuarrak
Bidasoa Irunek Euskal Kopako finalean...