Alex Mozas izanen da heldu den denboraldiko Bidasoa Irungo entrenatzailea eta Javi Campo, Nacho Torrescusa eta Jorge Martinezekin batera lan eginen...
02 Ots, 2023
Benidorm taldea jasoko du Artalekun, bigarren itzuliko lehen jardunaldia jokatzeko
Bidasoak bihar emanen dio hasiera denboraldiko bigarren itzuliari. Lehen jardunaldi honetan Artalekun arituko da taldea, Benidorm-en kontra. Neurketa ortziralean izanen da, otsailaren 3an, gaueko 21:30ean.
“Sentsazio onak ditugu”. Hori izan da Jacobo Cuetarak azpimarratu duena biharko neurketaren atariko prentsaurrekoan. Urtarrilean zehar izan dituzten lagunartekoetan eta txapelketetan emaitza onak lortu dituzte eta horiek “erreferentzi gisa baliagarriak” direla aipatu du entrenatzaileak. Hala ere, ikusi behar bihar nola kantxaratzen den taldea eta aurkaria ere begiz jota eduki beharko dute. Izan ere, “ongi lehiatzen ari den taldea da Benidorm”, Cuetararen hitzetan, “arazo tekniko eta taktikoak planteatzen dituena eta horiek erronka bat dira guretzat”.
Edonola ere, Bidasoa “lanean ongi” ari dela dio prestatzaileak: “Azken hilabetean oso ongi lan egin dugu. Oso pozik nago. Gainera, etxean jokatuko dugu eta hori babes handia da”. Denboraldiko bigarren itzuliko lehen jardunaldi hau, hain zuzen ere, Artalekun jokatuko dute bidasotarrek eta beraz, zaleen animoak sentituko dituzte. Garrantzitsua izanen da hori Jacobo Cuetararen mutilentzat, izan ere, “urduritasun handiko partiduak izaten dira lehendabizikoak, kalitate gutxikoak eta presa askorekin”, onartu du asturiarrak.
Horren harira, Benidormen kontra jokatutako lehen neurketa ekarri du gogora: “Sentsazio onak genituen orduan ere, baina partiduaren lehen zatia desastre hutsa izan zen. Akats horiek errepikatzen joan ziren lehen itzuliko beste neurketa batzuetan ere. Orain sentsazio onak ditugu baita ere, eta desberdina izaten da bigarren itzuliaren hasiera. Hala ere, partiduan ikusiko dugu. Ezin gara harago joan. Jardunaldiz jardunaldi joan behar gara eta orain biharko neurketan pentsatu behar dugu. Gure lanean zentratu eta ahalik eta lehiakorren jokatu behar dugu”.
Gogotsu eta indarrez aterako dira, beraz, bidasotarrak bihar kantxara. Animaziorako harmaila berriarekin eta bertze zale guztien babesarekin, Benidorm garaitzen saiatuko dira eta euren helburuak pixkanaka lortzen.
Alex Mozas izanen da heldu den denboraldiko Bidasoa Irungo entrenatzailea eta Javi Campo, Nacho Torrescusa eta Jorge Martinezekin batera lan eginen...
Sanchezi laguntzen, Eñaut Uruñuela egonen da bigarren entrenatzaile moduan eta Yon Gomezek atezainekin eginen du lan
CD Bidasoak eta Hondarribia...
Gorka Nietok, Eneko Furundarenak, Asier Iribarrek eta Julen Mujikak Finlandiaren kontra bi lagunarteko jokatuko dituzte aste honetan
Bidasoa Irungo...
Euskal Herri osotik etorritako sei taldek hartuko dute parte txapelketan
III. San Martzial Senior Nesken Eskubaloi Torneoa ospatuko da bihar, ekainaren...
CD Bidasoak, bi urteren buruan, aukera izanen du bi jokalariak berreskuratzeko
CD Bidasoak jakinarazi duenez, Ohorezko Mailako EON Horneo Alicante...
Barçaren kontra 28-32 galdu ondotik, denboraldia agurtu zuen talde horiak
Bidasoa Irunek ezin izan zuen Barça garaitu Errege Kopako finalerdietan....