Maiatzaren 31n ospatuko da neurketa Jaengo Olivo Arenan
Bidasoa Irunek ID Energy Caserio Ciudad Real taldearen kontra jokatuko du 2023/2024 Errege Kopako...
10 Aza, 2022
Talde irundarrak ez zuen garaipena eskuratu Trops Malagaren kontra eta agur erran behar izan dio Errege Kopari
Bidasoa Irunek Errege Kopako Bigarren Kanporaketa jokatu zuen atzo Trops Malagaren kontra eta 25-22ko markagailuarekin garaipenik gabe itzuli da etxera. Lehen abantailak Jacobo Cuetararen mutilentzat izan baziren ere, berdinketa askoko neurketaren ondotik, etxeko taldeak irabazi zuen eta hurrengo faserako txartela ere eskuratu zuen, Bidasoa Errege Kopako txapelketatik kanpo utziz.
Lehen zatia hasi eta Bidasoa aitzinetik jartzea lortu zuen lehen bost minutuetan (1-2). Berdinketa batzuen ostean, 15. minutuan egon zen talde irundarra aurretik azken aldiz, Julen Mujikak sartutako gol bati esker (6-7). Hortik aitzinera, talde bisitariak akats asko egin zituen eta Malagak hori aprobetxatuta, errenta lortzen hasi zen atsedenaldira 11-9koarekin iritsiz.
Bigarren zatian markagailu hori iraultzeko asmoarekin kantxaratu zen Jacobo Cuetararen taldea. Lehen sei minutuetan neurketa berdintzea lortu zuten bidasotarrek (36. minutuan, 12-12) eta aurretik ere jarri ziren partida bukatzeko hamar minutu geratzen zirenean (19-20). Errege Kopako txapelketari eutsiko ziotela pentsatzen zutenean ordea, Zilarrezko Ohorezko Mailan aritzen den Trops Malaga taldeak lehen zatiko errenta berriz ere berreskuratu eta 25-22ko markagailua erdietsi zuen jardunaldiaren bukaerarako, hurrengo faserako txartela lortuz eta Bidasoa txapelketatik kanpo utziz.
Errege Kopako ametsari agur erran ondotik, ASOBAL Ligako helburuei begira jarraitu beharko dute Bidasoako mutilek. Hain zuzen ere Artalekura bueltatuko da txapelketa hau eta talde irundarrak Blendio Sinfin taldea jaso beharko du bertan denboraldiko hamargarren jardunaldia jokatzeko. Neurketa larunbat honetan izanen da (azaroak 12), arratsaldeko 16:00etan.
(Argazkia: Arrate Morales)
Maiatzaren 31n ospatuko da neurketa Jaengo Olivo Arenan
Bidasoa Irunek ID Energy Caserio Ciudad Real taldearen kontra jokatuko du 2023/2024 Errege Kopako...
Talde horiaren hamazazpigarren partehartzea izanen da EHF European Leaguen
Bidasoa Irunek pasa den asteburuan lortu zuen aurtengo denboraldiko helburu...
Emakumezkoen eskubaloia maila guztietan indartzeko erronka duela argitu du klubak
C.D. Bidasoak emakumezkoen eskubaloiarekin zuen zor historikoa...
Talde irundarrak 32-29 galdu zuen eta txapeldunordetza irabazteko lehen aukera galdu zuen
Bidasoak Bada Huescaren kontra galdu egin zuen pasa den...
Bidasoa Irunek bihar, maiatzaren 3an, bisitatuko du Huesca bere helburuak lortzeko neurketa garrantzitsu bat jokatzeko
Bidasoa Irunek Huesca...
34-23ko markagailua erdietsi zuen talde irundarrak Frigorificos del Morrazoren kontra atzo Artalekun
Bidasoa Irunek bertze bi puntu garrantzitsu...