BIDASOAK GARAIPENA ESKURATU ZUEN ANAITASUNAN
Eskubaloia

BIDASOAK GARAIPENA ESKURATU ZUEN ANAITASUNAN

Bidasoak 32-35ko markagailuarekin menderatu zuen Anaitasuna taldea atzo Iruñean jokatutako neurketan

Denboraldiko bigarren itzulia ezinhobe hasi dute Bidasoakoek. Izan ere, atzo Anaitasunaren aurka jokatutako partiduan 32-35ko garaipena eskuratu zuten. Partidu zaila izan bazen ere, irundarrek lortu zuten beraien erritmoa eta jokoa inposatzea eta, azkenean, hiru goleko aldearekin menderatu zituzten iruindarrak.

Lehendabiziko zatian, Cuetararen mutilek aurretik jartzea lortu zuten, baina aldea txikia zen eta Anaitasunak, bere erritmo azkarrarekin, markagailuari buelta eman eta neurketa bereganatu zuen. Horrela, atsedenaldira 17-15koarekin iritsi ziren bi taldeak.

Azken 30 minutuak hasi zituztenean, Bidasoa, poliki-poliki, bere jokoa inposatzen hasi zen eta 40. minutuan iruindarren aurretik jarri zen Adrian Fernandezen gol batekin (20-21). Hortik aurrera, irundarrek nagusitasuna erakutsi zuten norgehiagokan eta markagailuan aldea irekitzen hasi ziren, azkeneko minutuan lau goleko errenta ere eskuratuz (31-35). Anaitasunak, azkeneko gola sartu bazuen ere, partiduaren kontrola galdu zuen ordurako eta ezin izan zituen Bidasoakoak garaitu, neurketa 32-35koarekin amaituz.

Jacobo Cuetarak, norgehiagokaren ondoren, garaipen oso garrantzitsua lortu zutela onartu zuen: “Partidu zaila izan da, derbiak izaten diren moduan. Oso berdinduak izaten dira eta zaila da puntuak eskuratzea. Garrantzitsuena garaipenarekin amaitu dugula da”. Neurketaren inguruan, “lehenengo zatian Anaitasunaren estiloarekin” jokatu zutela aipatu zuen, eta bigarren zatian berriz, “jokoa gure alde jarri dugu. Partidu lasaiago bat egin dugu, kontrolatuagoa, gure modura jokatu dugu. Hori zen gaurko neurketaren gakoa eta lortu dugu”, gaineratu zuen entrenatzaileak.

Jokalariak ere pozik azaldu ziren eskuratutakoarekin eta denek azpimarratu zuten atzo irabazteak izan zuen garrantzia. Ander Ugartek “erasoan eta defentsan partidu ona” egin zutela aipatu zuen eta “pista zail batean oso garaipen ona” lortu zutela. Julen Aginagaldek, beste aldetik, “ez da partidu erraza izan”, azaldu zuen. Hala ere, “bi partidu irabazita hasi dugu bigarren itzuli hau eta espero dugu horrela jarraitzea”, adierazi zuen irundarrak.

Hurrengo jardunaldia asteazkenean jokatuko du Bidasoak. Hau, Errege Kopako hirugarren kanporaketako itzuliko neurketa izango da. Oraingo honetan, Bernidormen arituko dira, arratsaldeko 20etan. Artalekun berriz, otsailak 12an, larunbatean, arituko dira Frigorificos Morrazoren aurka, eguerdiko 12etan.

(Argazkia: Oscar Aznar)

JACOBO CUETARA: “ANAITASUNAREN KONTRAKO DERBIA BETI OSO PAREKATUA IZATEN DA”
Eskubaloia

JACOBO CUETARA: “ANAITASUNAREN KONTRAKO DERBIA BETI OSO PAREKATUA IZATEN DA”

Bidasoa Irunen ortzirale honetan (martxoaren 29an) jasoko du etxean Anaitasuna, euskal derbia jokatzeko

Bidasoa Irun etxera bueltatuko da asteburu...

AGUSTINOS ALICANTE IZANEN DA BIDASOAREN AURKARIA ERREGE KOPAKO KANPORAKETAN
Eskubaloia

AGUSTINOS ALICANTE IZANEN DA BIDASOAREN AURKARIA ERREGE KOPAKO KANPORAKETAN

Apirilaren 10ean ospatuko dute bi taldeek hirugarren kanporaketa partida bakarrean

Agustinos Alicante izanen da Bidasoa Irunen aurkaria apirilaren 10ean...

BIDASOAK PORROTA JASO ZUEN NAVAN
Eskubaloia

BIDASOAK PORROTA JASO ZUEN NAVAN

Bigarren zatian aukera izan zuen talde horiak puntuak eskuratzeko, baina azkenik gol bakarrarengatik ihes egin zion garaipenak

Bidasoak ezin izan...

HONDARRIBIA ESKUBALOIAK BERE ZUZENDARITZA BATZORDEA BERRITU DU
Eskubaloia

HONDARRIBIA ESKUBALOIAK BERE ZUZENDARITZA BATZORDEA BERRITU DU

Ibilbide berri honetan, CD Bidasoako presidenteak, Gurutz Aginagaldek, bere babesa adierazi nahi izan du eta 2019ko udatik dauden harremanak...

JACOBO CUETARA: “SENDO AZALDU BEHAR GARA, DEFENTSAN ONGI EGON ETA KONSTANTE IZAN”
Eskubaloia

JACOBO CUETARA: “SENDO AZALDU BEHAR GARA, DEFENTSAN ONGI EGON ETA KONSTANTE IZAN”

Bidasoa Irunek Viveros Herol BM Nava taldea bisitatuko du larunbatean 21:00etan

Bidasoa Irunek Plenitude ASOBAL Ligari segida emanen dio asteburu...

BM BIDASOA IRUN EUSKADIKO JUBENIL TXAPELKETAKO TXAPELDUNORDE
Eskubaloia

BM BIDASOA IRUN EUSKADIKO JUBENIL TXAPELKETAKO TXAPELDUNORDE

Irundarrek Balonmano Barakaldo A taldea izan zuten aitzinean finalean, eta 24-23ko markagailuarekin irabazi zuten bizkaitarrek

Euskadiko Jubenil...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika